Anno (et cetera) xcjo

De ene bode belegen In der Ridderstraten vp dem(e) orde na der / borch werdt de alduszlange hefft gehordt hartig splete vn(n)d syne(n) / eruen hort nu quidt vnnd(e) vryg hans stedingk vnnd(e) syne(n) / eruen mydt allem(e) rechte rechticheyden vnnd(e) vrygheyden szo se / mydt syne(n) endescheden belegen ysz vnnd(e) hartog erbenom(ed) vry/gest beseten hefft de renthe vindt In dem(e) pantboke / ¹

De ander bode dar by der muren belegen de aldusz lange hefft / ghehordt hartog splete vnnd(e) syne(n) erue(n) hort nu quidt vnnd(e) vryg / hans splete vnnd(e) syne(n) erue(n) mydt allem(e) rechte vnnd(e) vrÿ/heyden so se mydt syne(n) endesceden belegen ysz vnnd(e) hartog(e) / vorbenom(ed) vnnd(e) syne vorvar(e)n vrygest beseten hebben de re(n)te / vinth me In dem(e) pantboke /

Dath erue belegen In der brugge(n)straten vp dem(e) orde dath aldusz / lange hefft ghehoreth hinrick hermens vnnd(e) syne(n) erue(n) hort nu / quidt vnnd(e) vryg hans peper vnnd(e) syne(n) erue(n) mydt allem(e) rechte / vnnd(e) vryheyden szo dath mydt syne(n) endescheden belegen ysz vnnd(e) / hinrick erbenom(ed) vnnd(e) syne vorvar(e)n vrÿgest beseten hebben de / renthe vinth me In dem(e) pantboke / ¹

Dath erue belegen twisken der fle(m)mi(n)gessz vnnd(e) schomakerstrate(n) / dath aldusz langhe hefft gehoreth wulff Toden vnnd(e) syne(n) / erue(n) hort nu quidt vn(n)d vryg Junghe peter(e) Michel vn(n)d syne(n) / eruen mydt allem(e) rechte vnnd(e) vrÿheyden szo dath mydt syne(n) / endescheden belegen ysz vnnd(e) wulff erbenom(ed) vnnd(e) syne vor/var(e)n vrÿgest beseten bes ² hebben de rente vinthm(en) In dem(e) pant/boke vnnd(e) ysz ghegunth dessem(e) sulue(n) peter(e) to to schriue(n)de / vor ey(n) wanhüsz dath he dar nene(n) stal scal van maken / edder late(n) maken sunder(e) mach dath vor(e) hure(n) edder(e) sulue(n) bruke(n)