anno (et cetera) xcijo

Clawes melleuelt hefft vorkofft vn(n)d vorlate(n) Jochim sprengel vn(n)d / syne(n) rechte(n) erue(n) eyn(n)e m(a)rc lub(esch) Jarliker re(n)te vppe alle pinxsten / fest to betalende vor xiij m(a)rc lub(esch) wedder to kope(n)de In vnnd(e) / vth sym(e) hope(n)haue belege(n) in dem(e) he(n)niges Rade vn(n)d wen / Clawes erbenom(ed) edder syne erue(n) den wedderkop don willen / denne scolen se Jochim edder syne(n) erue(n) eyn halff Jar to vor(e)n / to seggen vnnd(e) geue(n) den houetsu(m)men vth mydt der bedagede(n) / renthen In eynem(e) su(m)men /

Heyne Stampe hefft vorkofft vnnd(e) vorlate(n) Jochim sprengel / vnnd(e) syne(n) rechten erue(n) eyne m(a)rc Jarliker re(n)te vppe wynachte(n) / vnnd(e) eyne halue m(a)rc vppe pasken feste to betalende vor nege(n)/teyen m(a)rc lub(esch) myn iiij s(chillinge) wedder to kopende In vnnd(e) vth / sym(e) hoppe(n)haue belegen bÿ dem(e) he(n)niges Rade vn(n)d wen heyne / erbenom(ed) edder syne erue(n) den wedderkop don willen denne scole(n) / se Jochim edder syne(n) erue(n) eyn halff Jar to vor(e)n to seggen vn(n)d / mach dath vthlosen to twen tyden alsze xiij m(a)rc mydt eyner / m(a)rc re(n)te vnnd(e) sosz m(a)rc iiij s(chilling) mydt eyner halue(n) m(a)rc lub(esch) /

Toniges Nagel hefft vorkofft vn(n)d vorlaten dem(e) Ersame(n) Rade / thom(e) kyle achte schillinghe Jarliker renthe vppe alle wÿnachte(n) / feste to betalende vor sosz m(a)rc lub(esch) vn(n)d iiij s(chillinge) wedder(e) to kopende / In vnnd(e) vth sym(e) groten ketel den he in sym(e) huse stande hefft / vnnd(e) wen Toniges edder syne erue(n) den wedderkop don willen / denne scolen se dem(e) Rade erbenom(ed) eyn halff Jar to vor(e)n to / seggen vnnd(e) geue(n) den houetsu(m)men vth mydt der bedagede(n) re(n)ten / in eynem(e) su(m)men