Anno (et cetera) xciiio /

nicht drepen wolde susz syndt beyde parte wedder vor den Radt / ghewyseth nach beleni(n)ghe vppe ene(n) vth ghestickeden rechtdach / wesz lubesck recht were van dem(e) vorgnant(en) Rade to horende / an kame(n)de den rechtdach de dar wasz desz donredages vor Judica / In der vasten ysz vor dem(e) Rade thom(e) kyle vake(n)gescr(euen) ghewesen / hans Schuldorp Indt recht leggende x lubesck m(a)rc furder mydt / allem(e) lubesken rechte schedende van dem(e) baue(n)gescr(euenen) hermen / tegheler aller tho sprake desz hoppe(n)hauesz vnnd(e) hoppen baue(n)/geschreuen welk so stede vast vnnd(e) vngeschulden(e) bleff

Vnsz syndt Irschene(n) vor dem(e) Rade de Ersame(n) Clawes wulff / vnnd(e) laure(n)s Visck Radtman(n) thom(e) kyle vor sick sulue(n) vnnd(e) hans / velt ock Radtman(ne) alsz eyn kemerher(e) der Stadt vnnd(e) hebben arrester(en) / laten x lubesk m(a)rc de denne In recht were(n) ghesa ¹ gelecht van / herme(n) tegelers wegen v(m)me to sprake vnnd(e) schuldinge deder / clawes vnnd(e) laure(n)s eyn Jewelick van erent wegen vnnd(e) hans / velt van der Stadt wegen heben to to seggende dem(e) sulue(n) herme(n) / Tegeler(s)

Gotschalk gotscalkes hefft vorkofft vnnd(e) vorlaten Jochim Spre(n)gel / vnnd(e) syne(n) erue(n) eyne m(a)rc lub(esch) Jarliker re(n)te vppe alle sunte micha/elis feste to betalende vor(e) xiij m(a)rc lub(esch) wedder to kope(n)de In vnnd(e) / vth sym(e) hoppe(n)haue belegen In dem(e) he(n)niges Rade vnnd(e) wen / gotscalk erbenom(ed) edder syne erue(n) den wedderkop don willen denne / scolen se Jochim ergnant(en) edder syne(n) erue(n) eyn halff Jar to vor(e)n / to seggen vnnd(e) geue(n) den su(m)me(n) vth mydt der bedagede(n) re(n)te / In eyne(r) su(m)me(n)

Jaspar wantscherer hefft vorkofft vnnd(e) vorlate(n) laure(n)s visck Radman(ne) / thom(e) kyle vnnd(e) syne(n) erue(n) ² eyne m(a)rc lub(esch) Jarliker rente vpp(e) allen / wynachte(n) feste to betalende vor xiij m(a)rc lub(esch) wedder to kopende / In vnnd(e) sym(e) hoppe(n)houe belege(n) In dem(e) Kruse(n)rade welk gelt / to kumpt sunte Erasmus gÿlde vnnd(e) ysz laure(n)s to gescr(euen) alsz / eynem(e) vor(e)stender(e) desz sulue(n) gyldes vnnd(e) wen Jaspar erbenom(ed) / edder syne erue(n) den wedderkop don willen denne scolen se den vor/stender(e)n desz sulue(n) gyldißs edder ere(n) nakameli(n)ge(n) eyn halff / Jar to vor(e)n to seggen vn(n)d geue(n) den houetstol mydt der beda/gede(n) re(n)te(n) vth In enem(e) su(m)me(n)