IN gades namen amen am(e) Jare na (christi) vnnses herenn geborth dusent veerhundert / Souenvnnd(e)negentich am(e) deme dinstedage na den achtedagen dessz hilligen licham(m)es / dage , dede was de voffte dach in deme Mante Junio synt to Rade geseten vnnd(e) / tosamende gewesen , de vulmechtigen Sendebaden vnnd(e) Borgermeistere vnnd(e) / Rades heren der veer gedeputerden Stede , Kil Itzehoe , Rendesborch vnnd(e) Oldesloe / myt deme Erszamen(n) Rade der Stadt tom(e) kile , vppe de(m) Raethuse dar sulues schulde / vnnd(e) Ordele vth allen den Steden in deme konick(e)ricke to dennemarcken vnnd(e) / hartochrichen(n) Slesswich vnnd(e) holsten mydt gebrukinge lubessches rechten bogifftiget / Bolegen , na vorhete vulborde boleninge vnnd(e) tolatinge der dorchluchtigesten(e)n / hochgebarenn ffursten vnnd(e) heren heren(n) koni(n)ge hansse vnnd(e) hartoge ffriderich / gebroderen (et cetera) to vorhorende , Na clage ansprake , antworden Rede wedderrede , / noch lubesschem rechte , klegeren vnnd(e) antwordesluden , in rechte irscheidende / Enem jderma(n)ne na Rechte vnnd(e) eren consciencien vnnd(e) vorstande recht to donde / vnnd(e) aff toseggende in nagescreuener wise , Enen jeweliken uthgeschickedenn / vulmechtigen Sendebaden der upgemoneden ¹ Stede myt namen gescreuen(e) /

Personen des Rades tom(e) kile /

De Ersamen Clawes wulff / Hans velt / Borgermeistere /

Hans Schuldorpp / Laurentius visschs / Detleff heyman / Hans Schele / Detleff Gripff / Radtma(n)ne tom(e) Kile /

Personen des Rades van Itzeho /

Marquardt Brant Borgermeister(e) /

Joachim Duren / Hans vurath ² Raedtma(n)ne /

Personen des Rades van Rendesborch /

Iwenn Sümer Borgermeister(e) /

Hans Smydt / Jürgen Smydt / Raedtma(n)ne /

Personen des Rades van Oldesloe /

Hans Richardes Borgermeister(e) /

Hildebrant van dem(e) horne Radtmann(e) /