Anno xcviij

Anno xcvij Is irschenen vordem(e) Ersamen Rade tom(e) Kile Hans Kiste(n)maker(e) / vnnd(e) heff bokant dat he hefft Erffschichtunge gedae(n) vnnd(e) / vorlaten vordem(e) Rade dar sulues Hans Nickels van syner seligen / dochter wegen Anneken in god den heren vorstoruen

Anno xcviij dessz frigdages na bonifacij Is Irschenen vordem(e) / Erszamen Rade tom(e) Kile Peter brakenhuessz de Iunghe bokande / vnnd(e) sede dat he to vullernoge entfangen hadde vnnd(e) hefft / van synem vader Peter brakenhuessz ock Jege(n)wardich do / wesend xxv marck vnnd(e) enen sulueren lopel , van wegen / synes broders Hans brakenhuessz ghenomet Itzunt buten land(e) / wesende , welker xxv marck vnnd(e) sulueren lepel de bomelte / Iunge peter to vullernoge entfangen hadd(e) , vnnd(e) synen vader / dar aff doger vnnd(e) all quiterede vnnd(e) loessz vnnd(e) leddich / sede , hedde he furder ressche(n)schop mijt synem vader schall / he mijt synem vader to resschenscop bringen hijr to gheesket / alzo tuge dibberen dilberens vnnd(e) Peter Stamen borgere (et cetera)

Anno xcviii Is twistinge gewesen tusschen hartoch bodeker / vppe der enen vnnd(e) heyne koneken nalaten(n) wedewe Clawes / koneken Erffschichtinge haluen uppe de anderen siden Is denne / dorch de duchtigen frowen vor margreten Rantzow Laurens / vissche vnnd(e) Jaspar Schulten geschickede p(er)sonen dessz rades / alzo dedinges lude vnnd(e) gude myddeler fruntlichen(n) vorhandelt / vnnd(e) gededinget So dat de bomelte hartoch bodeker schall / geuen der vorgescr(euenen) Heyno koneken x marck , vnnd(e) dar mede / schall de sulue hartoch qwidt loessz leddich vnnd(e) gescheden / syn van aller erffschichtinge seligen Clawes vnnd(e) furder / holden de tzarten vnnd(e) recesse alzo de gededinget is vnnd(e) / an beyden siden boleuet hebben , hefft denne furder de sulue / hartoch zodan(e) x marck alzo gededinget is to vullernoge / ouergeantwordet vnnd(e) botalet Heyno Koneken vormu(n)deren / nemptliken Ty(m)mo hintzen vnnd(e) hans Smydt to truwerhant / der vorgescr(euenen) Heyno Koneke(n) In biwesend(e) der Ersamen / Clawes borgermeister(e) vnnd(e) detleff Heytma(n)ne Raedtma(n)ne tom(e) Kile (et cetera)