effte ock we anders van syner wegen vnnd(e) dar vm(m)e hefft / de sulue hans splete sich vorwilkorth vnnd(e) sulues boleueth / schall vnnd(e) will , de ander(e)n twe boden qwith vnnd(e) frigh / maken synem(e) brodere hartoge vnnd(e) eme vorth late(n) schriue(n) / In d(e)r Stadt bock also wontlich is , Erue to schriuende vnnd(e) / wenner de boden also gefrugeth syn vnnd(e) hartoge togescreuen / schall vnnd(e) mach de vorge(screuene) Hans Splete de boden gebruken / bositen vnnd(e) bowanen de tidt synes leüendes , vnnd(e) de In gudem(e) / buwete myt dake sperte vnnd(e) In allem(e) ander(e)n gebuwete , wen / des van noden synde werth to buwende , stedes holden alle dess(es) / vorg(escreuenen) handel vnnd(e) boleui(n)ge hebben beyde parte ergenompt / boleueth vnnd(e) bowilleth stede vnnd(e) vaste wol to holdend(e) /

Georgius Lutzenborch /

Secretarius (subscriptum)

Anno xcixo am(e) donnerdage nha Oculi is Irschene(n) vor deme sittend(en) / stole des rad(es) de Beschedene man marquardt Langemaker vnnd(e) / henneke langemake loffwerdige frame lude , vnnd(e) hebben getuget / vnnd(e) war gemaketh dat Peter langemake een burger / tom(e) kile is echte vnnd(e) rechte gebaren uth einem eliken bruth/bedde nha ansettinge der hilligen karelien van vadere Otto / langemake , vnnd(e) modere Elsebe Langemaker geheten de / wannafftich waren bij erem leuede In deme dorpe to oldemole(n) / Zo den de sulue peter syner borth haluen wol werdich is / ampte vnnd(e) gilde to bosittende , vnnd(e) de Erszame rath zodaner / tuchnisse des ¹ der borth een guth bonogenth hadd(e) /

Georgius Lutzenborch /

Anno xcix am(e) donnerdage nha oculi Is Irschenen / vor deme sittend(en) stole des rades de Boschedene man Clawes / Alnuͦsborch burger tom(e) kile , vnnd(e) hefft vorlaten vnnd(e) qwith / geschulden alberth Jantzen vofftich marck houetstols myth / aller renthe de he In synem(e) huse hadd(e) vnnd(e) myt syner ² / Clawes myt syner werdynne(n) also eren brutschath gekregen / hadd(e) , dat he de to vullernoge entfangen hadd(e)