Wy bo kennen dat de zone ¹ thuͦschen bertold glazenappe vnde her dethmar / dobelstenes vru(n)t deme ghod gnedych zy alzo vmme den mort der he an / em brachte is alduͦs ghe scheen² To deme ersten male to bukow dar yt / schach . . dar schal he vp nemen ene bare vn(de) schal dar vp spreden eyn / zyden stucke van twelf marken vn(de) schal lychte . laten maken van / tween sten wasses . de bare schal he zuluen dreghen myt synen hulperen / vnde schal ze dreghen myt der p(ro)cessyen alzo eyn zede is inde kerke vnde / schal enen laten boghan myt hu(n)dert mannen vn(de) vrowen myt twen / missen . dat stuͦcke vn(de) de lycht scolen de vru(n)t nemen vn(de) gheuen ze an / de ere ghodes weme ze willen vn(de) schal em dar maken in deme klost(er)e / eyne ewyghe dechtnẏtze vn(de) schal em laten eyn kruce zette(n) vor dat klos/ter van vertych voten bouen erden na der vru(n)de rade wor yt heft steycht / Vortmer zo schal he nemen ene bare vp vor colb(er)g vor deme steen dore / vn(de) schal dar vp leghen eyn zyden stucke van twyntych marken vn(de) schal / licht laten maken van dreen steen wasses vn(de) schal se zuluen dreghen / myt zynen hulperen myt der p(r)ocessyen inde kerke tho colb(er)g vn(de) schal enen / laten bo ghaan to dren myssen myt tweir hu(n)derden man vn(de) vrowen . dat . / stucke vn(de) de lycht schal he den vru(n)den antwarden de scolent gheuen an de / ere ghodes weme ze willen vn(de) schal enen bo ghan laten inder kerken tho / kolberghe jar vn(de) dach alzo eyn sede is vn(de) schal zyner denken laten van de/me preddicstole . vn(de) desse twe bo ghenknytzen schalme vol teen tuschen / hir vn(de) myt vasten wan dat ghe scheen is zo schal he den vru(n)den myt wor/den ene zuͦne doon de he myt lyke doon mach alzo de deghedynghes lude / kezen dat steyt noch an en . Vortmer zo schal he zuluen theen tho rome / vn(de) twe man schal he zenden tho aken vn(de)scholen des en warteken bryn/ghen van beyden steden dat ze dar zynt ghe weset dorch zyner zelen willen / vn(de) dat schal schen bynnen jare vn(de) by(n)nen daghe . Vortmer zo schal he ma/ken ene vicarie tho colb(er)g van twe vn(de) druttych mark gheldes edder den / vru(n)den tho antwardende ver hu(n)dert mark dar de vru(n)de mede copen mo/ghen alzo vele rente alzo ze konen . De lenware der vicarie de schal ewich / blyuen by den vru(n)den tho ver lyghende weme ze wyllen dat schalme vol / theen thuschen hir vn(de) zu(n)te michahelis daghe . Vortmer were dat h(er)ma(n) / damytze van zynes wyues weghen edder van zyner kyndere weghen / gheneghe many(n)ghe hadde vppe dethmare vru(n)t deme ghoht gnedych / zy edder vppe zyn eruent dar schal ze bertold af frighen van alder ma/ni(n)ghe de dar af komen mach Vortmer zo schal he de stad van colb(er)ghe / vnde de ³ vru(n)t brynghen vter veste dar he ze ane bracht heft ouer swẏ/ne vnde schal des breue brynghen van den heren de breue schal he de/me rade antworden thuschen hir vn(de) mydvasten . Vortmer heft / he zyk ouer gheuen dat he tho colb(er)g nyne wonynghe mer hebben / wil edder schal id en zy an der gnade de vru(n)de . vor enen gast mach he hyr / in ryden vn(de) bliuen dre weken edder vere wan he hir ku(m)pt . dar mede schal / id ghe endet wezen myt den ghenen de inder reyste myd em weren vnde / de schal he bo nomen weme he dar an thuͦt vn(de) de scholen allike wol zone / doon myt worden dat schal staan an den deghedinghes luden woze dat ma/ken alzo dat redelyk is . vor alle desse zake vn(de) zone heft ghe louet he(n)ni(n)gh / horn drewes stretzenytze [et] joh⁴ vn(de) joh(ann)es schadema(n) vnze borghere tho colb(er)g / myt eren rechten erfnamen Actu(m) a(n)no d(o)m(ini) m . ccc . lxxvj . [jn ... sancti pauli ...] /⁵