Wẏ bokennen dat Wẏ dor beede wyllen deer ghuden luͤde de hyr na gheschreue(n) / stan alse detmer Raddatze(n) enes ratma(n)nes he(n)i(n)gh colberghe(n)n Gotscalkes / van ruͤge(n)wolde Claweses vnde Curdes brüdere gheheten beygere peter / papen hartwich dobelstenes Eghert halecowe(n) merten blok ha(n)neses va(n) / Cerben detmer hildera(n)des boͤrghere(n) an vnser stat , vnde swa(n)tes van dar / ghen enes knapes hebben loos ghelaten harticke hildebrande vt den benden / vnde vt der hechte dar hee ane wart gheholden van vs vͤmme syne brö/ke de hee ghedaan hadde vnde de vorsprokenen ghüden luͤde hebben vs ghe / louet myt ener zameden hant dar de vorsprokene harteke edder iume(n)t / van syner weghen nü(m)mer dar wreken schal an vns vnser stat an vsen / boͤrghere(n) an vsen vnderzaten vnde an vsen deneren edder an vseme edder / der vorsprokenen ghude vnde hee edder iument van sẏner weghen ni(m)mer / dar vp zaken schal an ghestliker achte edder an werliker bẏ des zuͤluen / harteken leue(n)de wen he ouer vvrsterft zo scholen de vorsprokene(n) boͤrghen / des loͤuedes loos wesen vnde were dat etlike der börghen bẏ des harteke(n) / leue(n)de vvrstöruen zo scholen ere erfnamen des löuedes loos wesen /