Witlik sẏ al den iene(n) de / nv syn vnde de noch to / kome(n)de syn dat wy rat=/ma(n)ne der stadt to Col=/berghe me(n)liken beyde / olt vnde Ju(n)ghe dorch // Sundergher sake wille(n) / an den iare(n) vses here(n) / dusent drehundert / an deme achtentigheste(n) / iare v(m)me suͦnte Miche=/les dach vten alse syk / de raat vernẏget vor / vs vnde vor vse nako=/melinghe an deme ra=/de mit ener gantzen / eendracht des to rade / vvrden vnde willen / dat also holden by den / eden de wẏ vseme here(n) / vnde der stat gheswore(n) / hebben , Dat me na der / vorschreuene(n) tiit , Wo / dar men veer vnde / twyntich ratma(n)ne / mit olden vnde Iunghen / de dar seten vnde nicht / en seten an deme rade // were(n) nemande meer / an den raat scholde / kesen allene dat ẏd wol / also ville dat enes ed=/(der) merer myn wenne / sosteẏnen to sittende / boͤrede des to koͤme(n)den / iares , Dat sulue scholen / al de iene(n) de na der sul=/uen vorschreuene(n) tiit / an den raat ghekoren / werden ok bẏ den suͤlue(n) / eren eden to syk nemen dat see / dat ok also wille(n) holden / Dor enes sunderghen / wartekens vnde ener / eweghen dachtnisse wille(n) / dat me dyt aldus holde(n) / schal to eweghen tyden / so hebbe wy dat an / vse buk laten schrẏuen