Wy he(r) Lodewych sunerke borgh(er)mest(er) tu colb(er)ghe her dyderik zillesen prouest tu der oldenstat / vnde clawes sydelm(an)e voghet tu colb(erghe) be ke(n)ne(n) vn(de) be tughe(n) ope(n)ba(r)e an disseme breue dat wy ¹ / dat wy hebben ghededynghet vn(de) ghe endeghet vn(de) yntrychtet tu eneme ghantzen ende / tusschen pet(er) crughe(r) tu stoykowe ghereke syneme sone vnde ere(n) vru(n)de(n) van der ene(n) syet vn(de) / tussche(n) den lubben vn(de) ere(n) vru(n)den tu der andere(n) syed v(m)me mych(el) lubben dot slaghes weghe(ne) / erers bruders also dat peter ghe(re)ke vn(de) ere vrunt gheue(n) den lubbe(n) vn(de) mych(el) lubbe(n) kinde(re) de(n) / see dot ghe slaghe(n) hebben hundert mark vinkenoghe(n) pe(n)nighe vn(de) deden en sone vn(de) beghy(n)/ghen ene tu deghowe myt ere(n) vru(n)den vn(de) sette(n)den em na en cruse tu stoykowe vppe de stra/te vn(de) pet(er) crugh(er) ghynk sulf ander tu aken dor mych(els) sele wille(n) Vn(de) peter crugh(er) vn(de) ghe(re)/ke vn(de) syne vru(n)t neme(n) heren rychte vn(de) vor sprake(n) tu syk dar mede wart endet vn(de) ghe=/lendet alle sake alle stucke vn(de) alle dynk luttek vn(de) grot dat va(n) deme dotslaghe was vp / ghe stan vn(de) vt ghe sproke(n) yd we(re) scheen wo yd scheen we(re) dat scal blyue(n) tu eneme ghantzen / ende vn(de) dar nu(m)mer vp tu spreke(n)de vn(de) tu sake(n)de by hundert mark suluers We(re)t dat / yu(m)ment dessen ende breke vn(de) nycht en hilde de scal der hundert mark suluers vor wu(n)/ne(n) wesen myt den yenen de an syner syde synt ghe wesen vn(de) scal vs deghedynghes / luden de helfte va(n) den hundert mark suluers gheue(n) vn(de) de andere helfte de(n) yene(n) / de den ende holden an der andere(n) syed Dissen ende vn(de) willekore hebbe(n) see be le=/uet vn(de) [a... ....] an beyde(n) syde(n) tu eneme ghantzen ende tu ewegh(er) tyid Datu(m) / Col(ber)ghe anno d(o)m(ini) m ccc lxxxiiij [in p(re)festo b(ea)ti mych(aelis) archa(n)geli ... sigill(o)] / [...infidem ... ] ²