wẏ bekenen den ¹ dat her hinric palborg de prouest van stetyn vn(de) her Jacob dam[...] / hebben vnderstan myd vru(n)tscop na erer beyder wille de schelinghe tuschen he(n)ni(n)g / holke vn(de) Katherinen sine wiue ghestlick edder werlick vn(de) hebben ghe deghedingh(ed) / na erer beyder vulbort . myd her Johan stekelinghe detmer wicbolde . Hans horn / van der vrowen weghene vn(de) van he(n)ni(n)g holkes weghene tydeman hantevule vn(de) curt / beygher tu deme ersten male so scalme de alde scult de se sculdich s[int] be talen van deme / gantzen gude vn(de) wat bouen de scult² schult blift dar schal he(n)ni(n)g myd syner dochter / de tve deel van hebben . vn(de) schal syne dochter dar van be raden vn(de) de vorbenuͦmede / kathe(r)ine schal hebben dat dordendeel . des gudes weret ouer dat he(n)i(n)g dar storue by / syner dochter leue(n)de so schal syn gud steruen beyde in muͦder vn(de) in de dochter . storue / ouer de muͦder by der dochter leuende so schal ere gud steruen in den vader vn(de) in de / docht(er) storue ouer de dochter ane kinde(r)³ dat beyde vader vn(de) muͦder leueden so schal ere deel / des gudes st(er)uen beyde an vader vn(de) muͦder wer(et) ouer dat heni(n)g edder [decheine] / erer eyn vorstorue na erer dochter dode so schal jeselkes deel steruen an malkes / erfnamen svnderieneghe na nak⁴ manighe(r) Vort meer wer(et) dat heni(n)g holk schaden ne/me dorch syner vengnisse willen den schaden schal kath(er)ine na ereme dordendele me/de betalen . vortm(er) alle inghedome schal me tu hope bringhen dat schal heni(n)g myd syn(er) / docht(er) af hebben de tve deel . vn(de) de vrowe dat dordendeel vortm(er) schal . de vrowe / bruken eres smides tu ereme leuende men se schal . dat eruen erer docht(er) wil se yd / er ouer gheuen by erem leuende des ys se wol mechtich Disse degheding / synt hghedeghedinghet dorch vredes willen nv Kath(er)ine myd heni(n)ghe nicht / wesen wil . / ⁵