Wy Bugisslaf van godes gnaden . thuͦ Stettin . der wende der cassuben der Pamerenen Hertoghe / vnd(e) vorste thuͦ Ruyen . vnd(e) eyn(er) meyne(r) vorstender der kerke vnd(e) des stichtes thuͦ ca(m)myn . Bekennen vnd(e) betuͦ=/ghen openbare in desseme Jeghenwerdighen breue vor allen luͦden dyͤ ene seen odir horen dat wy dy erba=/ren luͦde den Raath vnd(e) de Menhyt der stad thuͦ Colb(er)ghe(n) vn(de) allerleye luͦde in ereme Eyghene vnd(e) wor syͤ / an den pande(n)n dyͤ syͤ van deme stichte hebb(e)n beseten sint . vnd(e) buten derstad vnd(e) bẏnnen der stad willen laten / vnd(e) beholden . by alleme rechte vnd(e) by aller vryheyt also syͤ dyͦ van oldes ghehath hebb(e)n . vnd(e) besete¹ besete(n) / hebb(e)n vnd(e) noch besitten . na der Breue holdinghe vnd(e) lude dyͤ syͤ hebb(e)n van h(er)n thuͦ h(er)n de Biscoppe syn / ghewesen thuͦ ca(m)mẏn . odir dyͤ syͤ hebb(e)n van deme capitele , odir watte breue syͤ hebb(e)n vppe ere vryheit / vnde willen siͤ nerghene ane vuͦrwalden Vnde willen ok allerleie borghe(n) der sulue(n) stad thuͦ Colb(er)ghe neme(n) / van aller redeleker schult dar syͤ van des Stichtes weghene an ghe ko(m)me(n) sint , de redelek vnd(e) bewislik / is . mit breue(n) odir mit bederuen Luͦden. id syͤ van louedes weghene odir van erer eyghene(n) schuͦlt weghen ² / Vortmer als dyͤ breue vth wysen de vnse Brudere hertoghen wartisslaf de Jvnghere , vnd(e) Barnym mit / vnsen steden vorseghelt hebb(e)n . dat wy na der domh(er)n rade thuͦ Ca(m)mẏn . vnd(e) na der van Colb(er)ghe vnse / dẏnk holden scholden , dat wil wyͤ gherne duͦn . vnd(e) willen de suluen Breue mit vnsen Brude(re)n . in / alle erer macht beholden . vnd(e) wille(n) syͤ also holden also syͤ in eren artikelen begrepen sint . Vortmer / so wil wy vnd(e) scolen . h(er)n Borken³ nemen van aller Redeleken schult . dar he van des stichtes we/gheneinghekomen is . na rade des capitels thuͦ Ca(m)mẏn . vnd(e) des rades der stad thuͦ colb(er)ghe . des he / redelicheẏt van vns vnd(e) van deme capitele wil nemen . Tuͦghe desser sake sint . vnse leuen truwe(n) / her Reuelink smelink Rydder . Egghend van deme wolde . frede(r)ik van steghelitze knechte vnd(e) / her vlric zabow . perner thuͦ Belgharde . vnse raath vnd(er) dene(n) vnd(e) mer guder Lude dyͤ eren / wert sint . Vnd(e) thuͦ ener openbareren betughynghe . so hebbe(n) wy dat Jngheseghel vnser vorsten=/dy(n)nghe des stichtes thuͦ ca(m)mẏn heten henghen vor dessen brif , Dyͤ ghe gheue(n) vnd(e) gescreue(n) / ys thuͦ colb(er)ghe Na godes bort d dritheẏn huͦndert Jar dar na Jn deme achteden vnd(e) achten/dygesten Jare . des Sonauendes vor letare . /