[Hono(ri)b(u)s ... fu(er)unt... ] lyue(n) here(n) vnde vru(n)de we/tet dat vor vns is ghewes(et) de erbare vrowe ghese vnse medeborgersche syne wedewe wille/ke peterstorpes vnde heft vns witlike(n) ghedan dat se hadde ghesand xij hundert teyn vote / holtes by her curde zacharie wyser desses breues myd jw to verkope(n)de dar schulde em to ghehul/pe(n) hebbe(n) hans teluere ere veddere des heft he sick des holues vndewunde(n) vnde heft dat ghe/antw(er)det hinrich wicke(n) juwe(n) borghere in erer beyder zelschap sunder gheheet vnde wille(n) desser / vorbenomede(n) vrowe(n) hir v(m)me schole gy wete(n) dat vor vns sẏnt ghekome(n) vnse borghe(re) alze fre/derich grans peter sturke jacob poguwalk vnde claus holewraker de truwe(n) ere vnde thuges / werdich sẏnt vnde hebbe(n) dat ghetuget vnde myd vp gherichte(n) hande(n) vnde vynghere(n) an de(n) / hilghe(n) gheswore(n) dat dat holt vorbenom(et) nema(n)de anders horet va(n) vnser borgersche(n) ghese(n) / vorscreue(n) vnde ok nema(n)de to hulpe deit vnde vppe nema(n)des vrome(n) edder verlust we(n) vppe ere / dar ghesand is wor v(m)me bidde wẏ juwe sunderlike vru(n)tscap mẏd vlite(n) bede dar gy den dorga / vnses denestus wille(n) vnde vnderwise(n) vnde berichte(n) hinrich juwe(n) borgher dat he vnser borger/sche(n) ghese(n) vorben(omed) ere holt late volghe(n) vngehindert vnde anrw(er)de dat hern curde vorscreue(n) / deme sy wulle macht vor vns gegheue(n) heft dat holt to vntfa(n)de liker wiis heft sy sulue(n) jeghe(n)/wardich were vnde deit hir ghutlike(n) to vppe dat sy dar neen groter arbeyt v(m)me den dorne / vnde ane schade(n) blyue alze gy wolde(n) dat wy by de(n) juwe(n) don schulde(n) in eme ghelike edder / grotern heft an des myd vns behuf were des wil vordene(n) wor wẏ kone(n) vnde moghe(n) [...] / [... anno d(o)m(ini) m ccc lxxxviij . feria qu(ar)ta p(ost) d(o)m(eni)cam Remi(ni)sce(re) / ...]