Wẏ bekennen dat gertrud langesche heft ghe dan ene erfschẏctinghe ereme sone / detmer langhen . alz . van sones vader erue vn(de) van deme ghude . dat hermen / kordelyst en ghe lenet heft . tu deme ersten . so ghẏft se em . lx . m(a)r(k) prutz . / de he in deme lande tuͦ pruͦtzen schal helpen manen . van den luͦden dar se stan / It(em) so ghẏft se em . lxx . m(a)r(k) vinkenoghen penni(n)ghe . de see em in deme lande / tu prutzen bereden schal . It(em) so schal se em antwurden . enen bref de sprek vppe / . lxx . m(a)r(k) vinken(oghen) . de de schuldẏch was henning van deme bone wat he dar van / manen kan . dat schal sye wesen . It(em) schal hebben he alle harns . dat hermen / kordelist deme god gnedẏch sẏ ghe hort heft . dat sy kleẏne edder grot . alzo he / dat ghe hat heft tu syneme lẏue It(em) schal he hebben . dat klene sulueͦn gordel . / vn(de) de boreden . de em alrede syn ghe antwardet . vn(de) den ghulden buͦch den hermen / druͦch an syneme paternoster . vn(de) de kẏste de hermen ghe hort hadde . vn(de) wes / in der kẏsten is van breuen edder van anderen dinghen . dat schal he der / muͦder dar vt antwarden . It(em) so schal he hebben de kledere de hermen tuͦ /sẏneme lẏue ghe hort hadden . se sẏn lẏnen edder vvͦllen . alz he de ghe hat heft / hir mede so schal de muͦder tu syk nemen alle grote schult vn(de) zunderghen / desse schult . xvj . m(a)r(k) hir tu Colberghe . vn(de) wat he deme apothekere schul=/dẏch is . vn(de) deme sscrodere tuͦ thorne . hir mede so hebben se syk an vru(n)tscop / ghe scheden . vn(de) wen detmer an dessen stucken entrẏchtet is so schal he / syne muͦder ere daghe nerghen vmme manen / ¹