Wẏ bekennen dat tale platen . hinrẏk . hermen . albertus . merten . vn(de) jacob(us) bru=/de(re) ghe heten platen . hebben ghe dan erfschichtinghe aldus ere muͦder tale vorbe(nome)t / ere muͦder nẏmpt tuͦ voren vt den acker den see van rasslaue koften vn(de) van her / hinryk scrippowen den kyzow nuͦ buwet . vn(de) alle inghedomet . vn(de) tafelsmyde eres / huzes . dat schal see ere leuedaghe bruken . mẏt der rente van deme ackere vorbe(nome)t / It(em) so schal ere muͦder ok hebben ere andel . It(em) dat huͦs by deme m(a)r(k)ede is tu ghe / vallen talen erer muͦder . hermen albrechte merten vn(de) jacobe jewelkes andel / allyke vele . men ere muͦder schal dat hus bewonen . vn(de) nemand see vttukope(n)de / edder dar vttwettende bẏ ereme leuende It(em) dat huͦs bẏ deme monnyke dore bẏ / gornẏne horet ok den vorg(e)screue(n) bẏnen . jewelykes andel . allyke ghuͦt . It(em) den hoff / de see koften . van henneke m(a)rq(ua)rdes zone myt deme ackere de dar tu horet / is ok tu ghe vallen . erer muͦder . herme(n) albrerto merten vn(de) jacobe enes je=/welken deel allyke vele . It(em) . iij . panstede . de halue lẏcht afghenerzẏd an deme / sacke mẏt lubbrecht glazenappe in deme koten . de id tughe vallen erer muͦder / It(em) de halue stede dese lẏcht affghenerzyd . myt hintze romere . Deme koten is / tu gheuallen alb(er)to . de ande(re) halue stede affghenerzyd mẏt detm(er) hornes ky(n)de(re)n // in deme kote is tu ghe uallen martine . It(em) de stede af ghenerzyd myt below / in deme kote de halue is tugheuallen herme(n)ne . vn(de) de and(er)e . dat is vornoghet / It(em) wes hinryke tu ghe vallen is . vor sẏn andeel . dat is rede ghuͦd . vn(de) rede / penni(n)ghe . vn(de) ok an schult dat ghe rekent is . alzo ghuͦd alz sostehalfhundert / m(a)rk dar heft he eren bref vp . bezeghelt myt eres vader jnghezeghele / clawes platen . vn(de) myt hinryk radeken de ere zuster heft . wuͦrde em de / schult nicht betalet alzo de bref jnne heft . edder synes gheldes jenẏch brok / dat scholen . vale hermen . albrecht . merten vn(de) jacob vorbe(nome)t een jewelyc / van sẏneme andele . ghuͦdes allyke vele hinryke ereme brude(re) betalen . It(em) wes / hir bouen is . an zolte an schuͦlt an redeme beweghelkeme ghude . des heft een / jeglẏc sẏn andel tuͦ ener noghe . sunder den . holt howe . tu dreuene wen dat / tu m(a)rkede kuͦmpt . dar is jewelkes andel allyke ghuͦd . aldus hebben syk / de vorbe(nome)d(e) muͦder vn(de) brudere entweẏ ghe schÿchtet /