Wẏ bekennen . dat ambrosius bertold . is ghe scheden van sÿner muͦder , aldus / tu deme ersten . so heft he er ghe gheuen veftẏch m(a)rk gheldes de schal see hebben / vn(de) vpboren alle jar. alz . xxx . m(a)r(k) gheldes . de he heft tu deme Rugenwolde . vn(de) / . xx . m(a)r(k) gheldes . schal see alle jar hebben van sẏner vrẏghen stede de se heft vppe / der ande(re)n zẏde der psanten . vn(de) zettet er de stede vorbe(nome)t ok vor de xx . m(a)r(k) / rente tubowari(n)ghe vor een pant . alz vor de vorg(e)scr(euen) . l . m(a)r(k) gheldes . alzo langhe / alz . de Ruge(n)woldesschen ere rente nicht vt gheuen gans , vn(de) wat dar brok ane is / dat schal see nemen vte syneme redesten ghude . wen see ouer vo[r]storuen is . so / schal a(m)brosius edder syne erfnamen de zuluen . l . m(a)r(k) gheldes lozen . mẏt ses / hundert m(a)rken . vinkenoghe(n) pe(n)ni(n)ghe(n) . vn(de) desse . vjc . m(a)r(k) scholen wesen syner / muͦder erue . vn(de) schal . see vort eruen eren erfnamen . vn(de) dat jnghedumet dat / in syneme huͦs . ane dat he myt sẏneme wẏue heft dar jnne bracht . vn(de) dat he zuluen / heft dar inne koft . dat horet syner muͦder tuͦ . vn(de) is dat syn muͦder van em / schedet . er see steruet . wat see denne em gheuen wyl . des schal see macht hebben / It(em) so beschedet ambrosius vn(de) clawes syn bruder erer muͦder dat nyghe mak / dat bẏ erem huͦze is . dar sẏn bruder clawes heft dat verdendel ane . vn(de) he dee / dredel . tuͦ ereme leue(n)de . vn(de) see schal des bruken tuͦ erer behuff . vn(de) see noch ere / eruen scholen see dar nicht vt dryuen . alzo la(n)ghe . alz . see leuet . wen see ouer dot / is so schal dat zulue ghe mak denne wedder steruen an see vn(de) an ere erfamen . alz / an a(m)brosi(us) de dredel vn(de) an clawes dat verdendel . /