Wytlik du wẏ alle / den yene(n) de nu / synt edd(er) moghen / werde(n) . wo wẏ . rat vnser / stad Colb(er)ghe . wol in vor gan=/ne(n) tẏde(n) pleghe(n) late(n) tho scrẏ=/ue(n)de . alle weddescattes kope / beẏde . Geslẏk vn(de) werlik / i(n) vnser . stad . bock . in der wys / dat dee ẏene dede . kofte yarlike / rente mẏt wanliker mu(n)te . vp / vnser stad linghende gruͦnt / dee . scolde . v́t stan scade(n) vnd(e) / vrame(n) . der . linghe(n)de(n) gruͦnt / vnde scolde . wedder wan=/like mu(n)te . neme(n) . wan ẏr / dat mee aff wolde kope(n) / de . rente . Des sẏnt wẏ / vnde vnse stad vnde etlike / vnser borghere tho scaden / vnde tho . anvalle kamen / mẏt edlike(n) here(n) alz . ẏrst // mẏt her Jacob bru(n)swyke / dede hinderde dat hinrik / Stubben huͦs i(n) sunte Nicola(us) / strate . vppe deme oerde dar / aff ghe brand was nycht / ward wedder vppe ghe / buwet i(n) langhen tẏden / v(m)me deer rente wẏllen / den her Jacob vorscr(euen) vppe / deme hus hadde vnd(e) hee / van vns sẏk nẏcht wolde / bo zeghen laten . /

Ok zo synt wẏ vnde etly=/ke vnser borghere tho / scade(n) vnd(e) thu anvalle / kame(n) myt her hinrik / leepele . dede yarlike(n) / rente . weddescattes wys / hadde koft vppe Albrech / baden ligghe(n)de gründ / meku(m)panes vnses rades / vnde ok vppe andere lig//ghende grund vnser borghe(re) / vnde do alb(re)cht vorscr(euen) vn(de) / vnse andere(n) borghere wedder / aff wolde(n) kope(n) der rente / na eres kopes lude . do / wolde her lepel . vorscr(euen) / nẏcht wedder neme(n) wan=/like muͮte alz ere koep / ghe schẏn was vnd(e) in vns(er) / stad boke screue(n) ys , man / hee wolde hebbe(n) dee zulue / mu(n)te dar der rente mede / ghe koft was vnde wolde / sẏk4 van vns des , nych / syk bo zeghen laten / man hee meende dat / hee ande(re) rychte(re) hadde / dee em dat reght zeghen / scolden Wor v(m)me vppe / dat dat wy vnd(e) vnse / borghe(re) nycht tho groteme / anvalle mochte(n) kame(n) // mẏt deen he(re)n vorscreue(n) / edder mẏt andere(n) . heren / zo heft des dee Raed / vorscr(euen) eenghedreghe(n) dat / zee . nẏne(n) koep . der vor=/screue(n) here(n) edd(er) ande(re)n / gestlike(n) he(re)n wẏlle(n) scrẏue(n) / laten in erer staed bock / edder ere koep . brefe bẏ / sẏk bo waren . suͮnt deme / male . dat dee vorscr(e)uen / he(re)n . nẏcht dat holden / wolde(n) alz . ere koep ghe/schẏn was . vnde wẏ den / koep scrẏue(n) . hadde(n) late(n) / in vns(er) stad bock . edd(er) / wẏlle(n) zyk des van vns / nẏght bozeghen laten . / vnde desse(n) vorsc(re)ue(n) wyl/lekore vnde endracht vnses / rades dee duͮ wy jw / allen vorsc(re)ue(n) wẏtlik // vppe dat dat dee he(re)n / vorsc(re)ue(n) vnd(e) gy in thokame(n) / tyden wan yr gy tho / hope kopen . iw tho beyde(n) / sẏden i(n) iweme kope / moghen besorghen [Dat(um) et pub(lica)tu(m) / Colb(er)gh anno d(o)m(ini) M cccc / xxxj . d/(o)m(en)ica Om(n)is terra / et ... etc.] ¹ //