Vor allen de yenen de dessen breff zeͤn edder horen leszen Jck Tesmer / Cameke wonafftich to verghemyn Bokenne vnde bvtuge apenbar(e) an / desseme breue dat ick mit wolbodachteme mode reddelken vnde / rockelken hebbe vorkofft mit vulbordt myner rechten eruen vnnde / negesten vrunt deme Erwerdigen manne(n) her hinrick Brekehorste / vicari(us) ÿn der kerke to Colberge vnde synen nakamelingen veͤr / marck pacht alle iar vp tobarende vnde to entfangende vthme / ver(e) gemynsschen hagenn vppe Sunte Mertens dach vte deme houe / vnde van den houen dar nhu vppe want vnde buweth Stenhage(n) / vor vefftich marck houetstoles guder vẏnkenoghen mu(n)te dhe nhu / ghenge vnde geue ẏs , de he my rede tellet vnde to eyner vulle(n) / kamenen noge woll botalt hefft er(er) de makynge desses breues , vnde / ick de yn myne nuͮtticheit gekeret hebbe , vnde hebbe ene(n) an de / pacht [ge...eth] , vnde weret dat de pacht vorwustet wurde hoff / vnde houen van mẏnre vnde van mynre eruen wegen , alze dat de / pacht nicht botalet worde vp sunte Mertens dach alle iar vnde / her Brekehorsth vorscreuenen edder syne nakamelinge der var screuen / ver marck pacht na deme var screuen dage ye(n)nigen bowislyken hynder / edder schaden nemen effte dar v(m)me den mosten vnde deden alle den / hynder koste vnde edder ¹ scaden den laue ik Tesmer Cameke vor screuenn ane / hinder koste gentzlyken vp torichtende lyke der pacht vorscreue(n) / sunder ye(n)nigeleẏ hulpe vortugeringe geystlick edder werlick sunder / rechte ganth sunder klage sunder lyde sunder were sunder argelysth / mit myne(m) rechte eruen vnde mit mẏne(n) midelaueren de hir na / screuen stan , hir laue wy var ventze monechere wanafftich tho / Burowe vnde Clawes Cameke wanafftich to den Stryppawe wẏ / lauen vnde hebben lauet myt vnsen [...] vorscreue(n) vnde / mit vnsen rechten eruen mit eyner samenden hanth alle desse var / screuen stuͮcke hirbrekehorsten varscreuen vnde synen nakamelinge(n) / stede vnde vaste to holdende sunder were vnde argelisth dorch sun/dergel(ike) leue wille , hefft wy hir Brekehorst van syner vnd(e) syner / nakamelinge wegen tolaten wan ick edder myner eruen desse veͤr marck pacht willen wedder kopenn So scale wy en eyn verdendell / iar vor sunte mertens toseggen vnde geuen de [...] ² to Sunte mertens / dage negestvogende vth de vefftich m(a)rck houͮetstoles vnde de ver / m(a)rck pacht bynnen der mure to Colbergs , vnde horen to her / Nicolaus Scroders memorie anderen geheten Barnholm vnde [...] / [...] pacht an den houetszoll torekende Des to tuge so hebbe wy / vorscreuen lude vnse Jngesegele laten hengen vor dessen bref / Dat(um) Colberge Anno d(o)m(ini) M ccc lj in die S(a) nti Brikcij Epis(corum) /