Jk le(m)meke vergastesche geue myner dochter eers vaders erue / Tu deme ersten eyn panstede de gifft iij pund v(nde) iij schepel tynsen / tu den bona grund(en) de schal hans Hagenowe vryge(n) tussche(n) hir vn(de) / paschen vort auerme Jar(e) van dem(e) borg(er)mest(er) hanssleue de schold / de vormu(n)ders de(n)ne buseden denn(e) ¹ kinde an gude Jt(em) so schal / [myn] kynt hebbe(n) ok viijc achtehu(n)dert m(a)r(k) wen Jd berade(n) wert dar / vor settet hans Hagenow tu pande alle syne liggende gru(n)de de / hee hefft gelirege(n) mit le(m)meke vergastische(n) vn(de) dat gelt schal / nene re(n)the drege(n) me(n) vor de re(n)the schal Hagenow dat kynt / voden vn(de) geue(n) em cleydinge alse eyner Ju(n)cvrowe behort / tu drege(n)de Jt(em) schal dat sulue kẏnt hebbe vj lodige m(a)r(k) / suluers vn(de) wen Jd berade(n) wert so schalme em geue(n) eyn / leydich laken tu cleyde(re)n vn(de) dar tu kisten vn(de) kiste(n)want / vn(de) twe gude bedde . alse eerlijk vn(de) zimerlik is alsodaner / Ju(n)cvrowe(n) . mede tu geue(n)de des sulue(n) kindes vormu(n)der zint / hinr(ik) stubbe , derwert grube , Hagenow Jacob boddeker molde(n)hower /