Van kore de radlude / Wytlik zẏ alle de(n) Jene(n) / de nuͮ zint vn(de) in tukame(n)d(en) tijden kame(n)de werden . / dat wy Radma(n)ne tu / Colberg(h) ju(n)c vn(de) olt dorch / su(n)derger zake vn(de) nütticheẏt / wẏllen vnser Stadt Colb(er)g(h) / an den jaren vns(es) he(re)n (Christi) / duse(n)t veerhu(n)dert an / deme twe vnde veftigeste(n) / Jare v(m)me der hilge(n) dreger / koni(n)ge dage vten alsem / plecht Radma(n)ne tü / kesende vor vns vn(de) vnse / Nakomelinge an deme / Rade mẏt gantzer een/dracht zint des tu Rade / worde(n) vn(de) wille(n) dat / holde(n) tu w ¹ ewige(n) tijde(n) / bẏ vnse(n) eede(n) de wẏ / vnsem(e) he(re)n vn(de) vns(erer) Stad / gesware(n) hebbe(n) datme // Na der vorscreu(en) tijt weme / Radma(n)ne brok hefft dar / ander(e) schal vorkesen / So scholen alle Radma(n)ne / iunc vn(de) olt de dar sitte(n) / vn(de) nẏcht ensete(n) eendracht=/liken bẏ eersa(m)mitticheit / vn(de) eede(n) kesen7 de dar alder / nuͦttest vn(de) bequeme tu / is vnser Staͤd Colberg(he) / vortuwese(n)de vn(de) tu vorstande / vn(de) de neen oͤm edder / wedder is der jene(n) , de / rede Radma(n)ne zint vn(de) / andere kesende , oͤm dat / is sustersone , vedder , dat is brodersone vn(de) / de ok neen vader edder / sone edder broder is / Dorch enes su(n)derg(e)n / wartekens vn(de) ener / Ewẏgen dachtnysse wille(n) // dar me dẏt aldus holde(n) / schal tu ewẏge(n) tijden / So hebbe wẏ dat / scriue(n) laten in vns(er) lubbes(ches) / Stadtbuck