Vor al den yene(n) de dyssen bryͤff ze(e)n edder hore(n) lezen Jk clawes brekhorst borgher / der staͤt Colb(er)ghe buͦkenne vn(de) botughe apenbaͤr an dẏsseme breue dat ik byͤn schuldich myne / rechte schult mẏd myne(n) rechte(n) eruen den erwerdyghe(n) here(n) duͦmhere(n) vn(de) vorstendere(n) der / memorien der kerke(n) vnser leue(n) vruwe(n) thu Colberghe vyͤrvnde veftich mark vynkeno=/ghe pen(ninghe) de ik en vnbevvre(n) wol betale(n) schal vn(de) wyͤl bynne(n) der mure(n) tuͦ Colb(er)ghe vppe zu(n)te / mertens dach nü neghest tuͦ kame(n)de myt reden pen(ninghen) an ener su(m)me . vn(de) were yt zake dat / ik dat nẏchten dede dat god aff kere . vn(de) de vorbonomede(n) duͦmhere(n) vn(de) vorste(n)dere der me/morẏen der vor boschreuene(n) pen(ninghe) na deme vorschreuent(en) daghe(n) yeneghe(n) bowylẏke(n) schade(n) / neme(n) edder hinder kost dar v(m)me duͦn moste(n) edder dede(n) . an welker wẏs de hinder edder / de schade tuͦ queme he were luttyk edder grot gheystlyk edder werlyk alle den hinder coste edder / schade laue ik clawes brekhorst vorbeschreue(ne) . an ghude(n) truwe(n) gantzlyke(n) up turẏchte(n)de zu(n)der / yenerleye hulpe wort ¹ vortog(et) ery(n)ghe ghystlyk edder werlik zu(n)der rechtghanc zu(n)der claghe / zu(n)der leyde zu(n)der were zu(n)der arghelyst myd mẏne(n) rechte(n) erue(n) vn(de) myne(n) medelouere de hir / na yn dyssen breue schreye(n) steyt . Hyr laue ik vor hi(n)rik tribus . ik laue vn(de) hebbe ghelauet myt / myne(m) houetma(n)ne vorscr(euen) vn(de) mẏt mẏne(n) rechte(n) erue(n) alle dysse vorschreuene(n) stukke den duͦmhe(re)n / vn(de) vorste(n)dere(n) der memorie(n) vorgheschreue(n) stede vn(de) vaste tu holde(n)de zu(n)der weddersprake hulpe/wort vn(de) arghelyst alzo hir vorschreue(n) ys vn(de) dyssen bryͤff² nẏcht tuͦ brekende myd quitbre/ue(n) edder mẏd eden . zu(n)der wen de botaly(n)ghe schut zo schal dat twe(n) erlyke(n) borghere(n) wytlik weze(n) / Tu tuchnÿsse der warheyt zo hebbe ik clawesbrekhorst vorbono(med) vn(de) hinrik tribus ghehenghet / vnse ynghezeghele vor vns vn(de) vnse erue(n) vor dyssen bryff de schreue(n) ys na godes bort duze(n)t / veͤrhundert yar darna yn deme drevndevefftẏgheste(n) yare yndeme daghe alzo men zyn/ghet ander hilghe(n) kerke(n) oculi mei semp(er) ad d(o)m(ino?)