Vor alle den ienen de dessen breff zeen edder hore(n) lese(n) Jk Arnoldus Grabow dumhere der kerke(n) tho Colberghe / beke(n)ne vn(de) betughe ape(n)bar an desseme breue dat yk bin schuldich myner rechte(n) schuld den Erliken heren / des Capittels der vorbenumeden kerke(n) Colb(er)ghe vn(de) her joha(n)nj kerkhane vica(r)io in der sulue(n) kerken / thu zyner vicarien vefftych m(a)rk pe(n)ni(n)ghe wanliker mu(n)te tho Colb(er)ghe ghe(n)ghe vn(de) gheue is vn(de) veer / mark rente de yk en v(n)berwuͦre(n) wol be talen schal vn(de) wil by(n)ne(n) der mure tho Colb(er)ghe vppe paschen / de nü neghest thokame(n)de is . mẏt ghudeme ghelde an ener su(m)ma vn(de) weret sake dat yk des nichten / dede dat god affkere vn(de) dat Capittel vorscr(euen) vn(de) her iohan kerhoff des vorscr(euen) gheldes myt der rente na / deme vorscr(euen) daghe ieneghen bewislike(n) hinder edder schaden neme(n) coste dar v(m)me duͦn moste(n) vn(de) deden / luttik edder grod gheystlik edder werlik alle de(n) hinder coste edder schaden den laue yk Arnoldus gra=/bow vorsc(reuen) myt myne(n) rechten erue(n) an ghude(n) truwen ghantzslike(n) vpthorichtende alze deme su(m)me / vorscr(euen) sunder yengherleye hulpeword vorthogheringhe gheystlik edder werlik sunder rechtghanc sunder / claghe sunder leyde sunder were sunder arghelist myt myne(n) rechte(n) erue(n) alle desse vorscr(euen) stucke den ca=/pittel he(re)n vorscr(euen) vnde her iohan kerhane stede vnde vast tho holdende alzo hir vorscreue(n) is vn(de) dessen / breff nicht thu breke(n)de myt quitbreue(n) edder myt eeden sunder wen de betalinghe schud so schal dat / deme Capittle tho Colb(er)ghe witlik wezen des thu tughe so hebbe yk Arnoldus Grabow vorscr(euen) myn / jnghezeghel myt witschop ghehenghet vor dessen breff datu(m) Colb(er)gh anno d(o)m(ini) millesimoquadringe/simoquiquagesimoquarto fe(r)ia tertia p(os)ta d(o)m(ini)cam Quasimodogeniti