[Anno d(o)m(in)i MillesimoQuadragentesimoQuinuagesimo qu(ar)to nona die me(nsi)s aprilis Ego ...]

Dyt ys dat gud vnde vader vnde muder erue dat de vormu(n)dere / der vnmu(n)digen kinderen Hinrik plate(n) deme god gnedich sy hebb(e)n / gheuen Clawes platen hinrik plate sone vn(de) hebb(e)n ene zettet van / den ande(re)n kynde(re)n vnde schichtet vn(de) schedet /

Jndat irste schal clawes plete hebb(e)n en vngvirdendil jnder vnge/stede de em syn vader lenet hefft dede licht jndeme katen myd hinrik / platen vorben(omed) schal clawes plate hebb(e)n j virdendel an ener gantczen / stede de gift de rad iiii punt tynses vn(de) desse lik licht ok mẏd hinrik / platen in deme katen , , dat achtendel van der sulue(n) stede schal heb/ben syn broder hinrik vn(de) bertold vortm(er) schal clawes plate hebb(e)n / en virdendel an deme huse by deme markede dar syn vader i(n)ne wonet / hefft Ock schal he hebb(e)n dat virde part an deme kuter orde vor / deme kuter dore vortm(er) schal he hebb(e)n de rade wisch by deme / hasenbite dar schole(n) iegen be holden de ande(re)n kynde(re)n de wisch / by deme ringe(n)hale vortmer schal clawes plate be holden ene wisch / an su(n)te jurian dede licht by clawes hame(n) medeku(m)pan des rades / tho colberg alder negest Ock schal he hebb(e)n syn virde part an / want sunde(r) hus gerade kisten want also em syn vader vn(de) muder / lenet hebb(e)n vortm(er) schal he hebb(e)n dat virdpart am deme solt / katen jndeme soltberge auer desse schedinge hebb(e)n au(er) wes(et) bertold / schadema(n) medeku(m)pan des rades hans westual hans lenetzow / godscalk schadema(n) borge(re) to colberg vn(de) hebb(e)n desse delinge / also vormu(n)dere hinrik platen kinde(re)n be loüet myd clawes plate(n) /