Vor alsweme dar disse breff vor kumth de ene sen edder horen leszen bokenne ick Cla/wes wedelstedde erffseten in koldenhaghen vor my vnnde mynen rechten eruen dat ick / schuldich plichtich vnnde plege buͤn mÿner rechten witliken schült veftich marck / pe(n)nynghe tho Colberghe ghenge vnnde gheüe Den ersamenden vorstenderen van / sunthe Jurgen alze Hans nadebar vnnd(e) laffrens tymmerman vnde eren nakomelinge(n) / Dar ick en vor vorsettet hebbe vnnd(e) iewerdigen vor vorsette mÿne(n) hof dar ick nü vppe wa/ne vor ver marck iarliker renthe alle iar vppe sünthe merthens dach bynne(n) der müre / tho Colberghe mÿt guden reden pe(n)ni(n)ghen ane ninegerlege iegenseggent hülpe rede edder / argelist ock ane brukinghe gestlikes edder werlikes rechtes tho betalende vnnd(e) we(n)er ick / Clawes wedelstede yfte de vo(r)screüene vorstendere de veftich marck houet stols willen af=/gheue(n) ifte aff mane(n) szo schal vnser en deme andere(n) ¹ en half iar thouerne thosegghen vnnd(e) de(n)ne dar / na vppe sunthe merthens dach schal wil ick edder myne rechten erue(n) scholen den vpgeue(n) / then vorstenderen van sünthe Jurgen tho Colberge alze hans nadebar vnnd(e) laffiens ti(m)mer/man edder ere(n) nakomelinghen de vorscreue(n) veftich marck houetstole mÿt aller vorsetene(n) / renthe bynne(n) der müre tho Colb(er)ghe so vorscreue(n) steẏt tho der nughe wol betalen vnnd(e) / weret sake dat godt afkere ick Clawes wedestede edder myne erue(n) de vorscreue(n) veͤr / marck renthe vor deme vpseggende vnnd(e) de veftich marck houetstols myt aller vorse/tene(n) renthe na deme vpseggende szo vorscreue(n) steit nicht vth gheue(n) vnnd(e) betalden vnnd(e) / de vakenomede vorstendere ifte ere nakomelinghe der weghen welken bewisliken hind(eren) / ifte schaden neme(n) kost edder teringhe dar v(m)me den mosten den laue ick myth myne(n) / erue(n) vpthorichtende vnnde wedder tho leggende like demehouetstole so vorscreue(n) steit / weret dat so nicht enschege szo gheue ick ouer dat de vakenomede(n) vorstendere yfte / ere nakomelinge moghe(n) riden vare(n) ifte in mÿne ifte mẏner erue(n) redesten gudene / vnnd(e) dar szo vele vth panden likerwies ifte dat vorüordert were mith ene(m) vulkomene(n) / rechte vor myns gnedige(n) here(n) slate tho korlin vnnd(e) de renthe ock nicht tho rekende an / de(n) houetstol dyssen bref ock nicht tho breke(n)de myt ede(n) ifte quyetbreue(n) men mÿt güden / reden pe(n)ni(n)ghe(n) vppe dat alle puncta vnnd(e) artikele szo vor screue(n) steÿt deste beth scholen / gheholden werden szo laue ick Asmus wedelstede erfseten tho deme schulte(n)haghen / hinrick wedelste erfsethen erfsethen tho deme koldenhegen vn(n)d(e) ick Swantes ka/meke erfsethen tho der laf geue alze gude borghen myt ener same(n)den hant en vor alle / like vnseme houetma(n)ne szo vorscreue(n) steit des tho mer sekerheit vnnd(e) tuchnisse der / warheit so hebbe ick Clawes wedelstede alzo en houetma(n) vnnd(e) wi Asmus wedel/stede hinrick wedelstede Swantes kameke alzo borghe(n) myt wytschop vnnd(e) wille(n) / vnse Jnghesegele henghe(n) lathen an dyssen apene(n) bref De ghe gheue(n) vnnd(e) ghescre(uen) / is tho Colb(er)ghe na der borth (christi) dusent verhundert Da na yn deme negentigeste(n) / iare [...] / ²