J(tem) dat vor vns heft geweset pantzer van tra(m)me vn(de) heft bekant dat he ene(n) / gantzliken vullenkamen ende heft gekregen mit vnseme kemere Marte(n) / dargassen v(m)me den akker dhe in vortiden Marten dargassen vader ge / horet heft welkere akker belegen is ou(er) deme rosendale tusscen Clawes / rangen vn(de) dauid brunswikes disse ende is to gan by zodaneme bestede dat / Marten dargasse scal pantzere geuen des negesten r(e)chtdages na sunthe / Mechele viff hundert vn(de) xv m(a)rc vn(de) iiij S(chillinghe) zolle Mank desseme / gelde scolen wesen veftich rinsce gulden mede jnnetellet vor twe / hundert m(a)rc So scal denne wedder v(m)me pantzer alze eyn houetman / syner werdynnen vn(de) eren suste(re)n vn(de) brode(re)n Marten dargassen quit vn(de) / vrigh den suluen akker Nomelike xxxv morgen vorlaten vor vns / na vthwisinge vnser r(e)chte vn(de) wilkore ffurder zo scal pantzer / den akker beth der tid vredesam bruken vn(de) alle vrucht dar van / nemen be haluen de holte de dar vppestan de scal marten dargasse / gentzliken vngesenget mit deme akker(e) wedderkrigen vn(de) in syne nutti/geit keren

[...] /

[...] /

J(tem) dat hinrik reddemer heft medekregen vor brutstat mit syner / husfrowen dorch eren broder marten brates enen garden in deme stubben / dorch clawes wuline enem vullenkame(n) houetma(n)ne Marten brat(es) / vorlaten vn(de) de kemerer hans karith be holt dar v m(a)rc vppe /