JN gades namen amen Jn den ja(r)en (christi) alzeme scrift Mcd xcj des achten / dages na Epy(phani)e So hebbe ik hinrik dametze wanafftich to Colb(er)ge vth / gemaket vn(de) vorscriuen laten myner enliken docht(er) anneken vor / erer moder erue vn(de) rechtigeit alze er des haluen egeuen mach alzo / dane gudere alze hir nascreuen stan Jn dat irste ene halue vrige / panstede de ander(e) helfte hort ideke leuetzowe in Cota leuetzowen / vn(de) ene wisch belegen by der zelnow de de geit ou(er) den ty(m)mer brink / Met dat de vad(er) de wisch mit r(e)chte bestermen kan vn(de) drehun=/dert m(a)rc vn(de) eyn leidens laken wand(e) vn(de) den en eme halue kost / vn(de) dat kint scal beholden syner moder kledere vn(de) suluer vnd(e) / kisten vn(de) kisten gewant dat kistenwant is en siden pole iij / siden kussene j geneget pole vn(de) iij benegede kussene ij kisten / laken vj beddelaken j sidene dekene j benegede dekene vj / witte kussene iij tafellakene vij dryvelen iij golt stupede / doke v stÿre doke ij bedden vn(de) iij houetpole ij dagelikess(che) / dekene enen mantel vn(de) rok rothleidens j brunen hoyken / vn(de) j brunen vn(de) grünen rok enen brune(n) engen rok enen grüne(n) / dagelikesscen rok vn(de) j boch van iij guld(e)n vn(de) ij wegen / lakene vn(de) des sonnauend(e) vor gregorij is gewagen der / moder suluer des was vij m(a)rc vn(de) ij loth dar is affgekame(n) / vj lothde ho(r)en Margarete swarten vn(de) jsset dat dat kinth / vthe geuen wert zo scal ze deme kinde de vj lot suluers / geuen dar was an vn(de) ou(er) Clawes sunt Tonig(e) bruͦkerbardt / plate mechel Ribes Jachim swantes vn(de) hinrik boytin don dat / suluer wagen worth vn(de) So scal ik hinrik dametze mÿn kint / anneken vorscr(euen) voden vn(de) kleden redelken zolange ze vthe / geuen wert vn(de) we(re)t sake dat ik des nicht en dede zo scal dat gud / renten vn(de) dit is gededinget to enem gantzen ende vn(de) dir vorscr(euen) / scal hinrik dametze scriuen laten in dat buk quit vnde / vrigh vth sinem redesten gude vn(de) zo is de ene tzedele vth der / ande(re)n sneden p . a . b . c . d . et(cetera) /