Vor alszweme dar disse breff vor kumeth de ene sen edder horen lesen bokenne ick Herma(n)nus Jaster vor myn vnnde myne eruen dath ick schul/dich plichtich vnnde pleghe (ich les ja immer “pleithe” !?) bün myner rechten schult den ersamen vnnde vorsichtighen Borgermersteren vnnde Radtmanne(n) der Stade / Colberghe also patronen vnnde deme Erwerdighen heren Nicolas wunneken also eneme vicario der vicarien de he heft bi der karkenn / vnnser leuen frouwen dar suluest boleghen tho der ersten misse vnnde synen Nakomelinghen twehundert marck penni(n)ghe mu(n)the bynne(n) Col/berghe nu genghe vnnde geue welkere mu(n)the der marck gelt enen rinschen gulden vor welkere twehunderth marck ick schal vnnde / wyl effte myne eruen scholen deme Erbenomeden her Nicolas lemmeken edder synen Nakomelinghe(n) Nu vp martini ouer en(n) Jar verteighe(n) / marck Jarliker renthe der suluen mu(n)the bynnen der mure tho Colberghe Ane Jennigerleie Jegenseggent hulperede edder argelist wol botalen / vnnde wenner de vorscre(ue)n heren de radt also patronen vnnde de vicarius effte syne Nakomelinghe de twehundert marck willen aff mane(n) / edder ick se wyl aue geuen so schal vnser en(er) deme anderen en(n) halff Jar tho vorne tho segghen denne dar Na so schal vnnde wyl Ik Her/ma(n)nus Jaster effte myne eruen scholen den houetstol twehundert marck Jn ener su(m)men mith alleme vorscreuen myth guden edder pen/ni(n)ghen wol botalen wereth sake dath godt aff kere Jck Herma(n)nus Jaster de vorscre(ue)n verteren Marck renthe vor deme vpseggene vnnd(e) / de twehundert marck houetstole mith alleme vorsethenen Na deme vpseggende deme vakenomenden vicario effte sinen Nakomelinghe(n) / so vorscre(ue)n steyth nicht botalende vnnde he der weghen welken bowyszliken hinder edder schaden neme kost edder teringhe dar vmme / don muste den vnnde de laue ick myth mynen eruen wedder tho leggende vnnde vp thorichtende like deme houetstole vorscr(eue)n vppe dat / alle puncta artikele vnnde stucke vorscr(eue)n vnnde en(n) eszlick bi syck deste beth scholen geholden warden So laue wy Clawes dametze / kentzeler Albrecht Crogher Borgermeister vnnde Benedictus Bulgrin Radtman tho Colberghe mith vnsen Briuͦen vnnde mith ener / samenden hanth des tho mer sekerheyt vnnde tuchnisse der warde so hebbe ick Herma(n)nus Jaster also en(n) houetman vnnde wy Cla/wes dametze Albrecht Crogher vnnde Benedictud Bulgerin also borghen vnnse Ingesegele myth witschop vnnde willen henghen / lathen An dissen apenen breff de gegheuen vnnde screuen is Na der borth cristi vnses heren duesent verhundert dar Na In deme en(n)vnnd/negentigesten Iare des dunredages na matthei des hilgen appostels vnnde ewangelisten /