Jk Georgius putku(m)mer sanckmeister in der kerken to Ca(m)min vnd(e) dhoͤmhere tho / Colberghe Bekenne vnd(e) thughe apenbar(e) vor alszwem(me) dat ik den Ersame(n) vnd(e) / vorsichtighen Borg(er)meister(e)n vnd(e) Raetma(n)ne(n) der Stadt Colberghe bün schuldich / vnd(e) pleghe soszvnd(e)twynttich rinsche ghuld(en) de ik van en leghen hebbe mÿnem(e) / gnedighe(n) her(e)n Benedicto bisschoppe to Ca(m)min toghude , dat he mede / ene(m) baden mede schickede bet to Rome v(m)me ene losÿnghe vnd(e) zine qnade / hefft mẏ vorwyset zodane ghelt wedder tovarende van der admi(n)stracien / de ik den vpgnan(ten) Borg(er)meister(e)n vnd(e) Raetna(n)ne(n) wil toghudem(e) loue(n) be/talen vp sunte Michaelis dach neghestkame(n)de sunder alle arghelyst vnd(e) / schaden To mer tuchnisse vnd(e) wẏtschop hebbe ik geor putku(m)mer disse(n) / brẏff ghescr(euen) mit mẏner eghener hant vnd(e) vorseghelt mit mvnem signete / dat(um) Colberghe am mẏtweke vor Jubilate anno d(omini) xcij