ffe(r)ia t(er)tia post oculj /

[...]

J(tem) dat vnse Borg(er)mest(er) Alb(re)cht Crogher heft dan h(er)men / Berwolde vppe achteyen punt jarlikes tinses zo de sinen / vadere in vnseme koth boke to screuen stan Negen=/hündert m(a)rc wanlike mu(n)tes Colb(er)ge genge vn(de) / geue vn(de) disse achteyen punt iarlikes tins(es) vorscr(euen) scal de vorscr(euene) / borg(er)mest(er) alb(re)cht Roger alle iar boren wen h(er)men berwold / ifte syne eruen zodane Negenhundert m(a)rk in Münte genge / vn(de) geue vnseme borgh(er)mester(e) ifte sinen eruen wedder aff / geuen It(em) hinrik kluke borg(er)mest(er) gift j punt tins(es) van / der stede in Cota kluken vn(de) mid brunswik vn(de) hinrik / godscalk geuen ok j punt tins(es) van erer stede In Cota leuetzowe(n) / vn(de) wen hermen berwold ifte sine eruen zodane negenhundert / mark willen wedder aff geuen So scolen ze deme borg(er)meste(re) / ifte sinen eruen de vppe Joh(ann)is baptisten dach vp seggen / denne vort de Negenhundert m(a)rc in Munte to Colb(er)ge genge // vn(de) geue vppe Martini dar negest nakamende gentzliken / aff geuen sunder Ienger vortoch Edder wen de borg(er)mest(er) / ifte syne eruen de Negenhundert mark willen wedder / aff hebben zo scolen ze ok deme vorscr(euenen) h(er)men bewold(e) / edder synen eruen vppe Joh(ann)is baptiste de j p(unt) m(a)rc vp / seggen vn(de) vort vp Martini dar na negest kamen / de aff nemen /