In gades namen amen Jn den jaren vnses heren ihesu (Christo) dusent veͤrhun/derth vnde jndeme fu(n)fvndenegentigesten jare jn der besnẏdinghe vnses / heren ihesu (Christo) auende Jck drewes nemmerin borgher to colberghe in / myner wanÿnghe jn der landebande strate bÿ hans wandelmanne / van der gnade gades vulmechtich vnde reddelÿk mÿner sÿnne vnde / vornu(n)fft dat jk nicht werde zeͤn to steruende sunder testament So / hebbe jck mÿnen lesten wẏllen vnde testament(um) ghe dan vnde settet / jn der wÿse hÿr na schreuen dat jk stede vnde vast holden wil vnde / wẏl ÿdt nv(m)mer wedder ropen jn dat erste So hebbe jck ghe kre/ghen mÿt mÿner werdÿnnen tilleken druddehalf hundert mark / bruthscattes vnde dar tho ere ju(n)cvrowen Spanghen jtem So hebbe jk / ghe kreghen van erues haluen van mÿner werdÿnnen weghen hundert / marck van erer gro(o)th moder suster teÿgen kaüuen dreͤ mÿsschingessche / scetele teÿgen grapende vnde achte tÿn schottelen jtem So geue jck to / der hauene ene tu(n)ne bers jtem to weghen vnde tho Steghen ene tu(n)ne / bers jtem geue jk j pu(n)t wasses tho deme lichte dat dar hanghet to sunte / jacob in der kerken vor dem(e) hoghen altare jtem tweͤ punt wasses tho / dem(e) groten lichten dat dar brenth vor dem(e) kore jn vnser leuen vro/wen kerken jtem j punt wasses to der Staage jtem wes ick dar bauende / hebbe beijde bowechlik vnde vnbowechlik dat geue jck mÿner werdÿnnen / Tijlleken dat schal ze aff uth zÿchten schult vnde vnschult jtem So hebbe jck / ÿdt in den hilghen vor richtet dat jck van mÿnen vrunden neͤn* erf gudt ghe boret / hebben men mÿn gro(o)th vader gaff mÿ teÿgen marck vor eÿne gÿfft jtem don / jck dÿt testament(um) dede don was jck mÿner ledematen vnde knaken dat jk / konde gan wor ydt mÿ eüene was jtem dÿt vorscreuene testament to vormechsten(de) vnde keze jk vnde sette de vorsichtẏgen ma(n)nen hans Steͤn radtma(n)n vnde / lucas albrechte borg(er) thu(ghe) zint auer weset de erszame(n)n ma(n)ne hans Steͤn vn(de) / hÿntze voͤsz ratma(n)ne(n) to colbergh van dem(e) Erwardighe(n) rade to colbergh Dar / to gesant vn(de) beden vnde lucas albrecht vn(de) gorges marquardt tho tughe desser vorscreuene(n) dink