Priuͮilegiu(m) disser Stad van den je(n)nen dÿ jn disse Stad wonen /

Jn no(m)i(n)e d(omi)ni Amen Borchardus von godesgnaden Ertzbisschopp der hilgen kerken magd(eborch) Allen cristen / luden entbedet sine(n) grud Nach dem der lude dechtnisse krangk is vnd(e) de Staͤd der tijd bÿ den / tÿdlik(e)n guder(e)n vnstede , wurv(m)me to beter beuestinge an werken vnd vor handelinge dede wontlik(e)n / vnd mit macht geschen sindt . hebben wij toflucht to seker tuchnisse der schrifft als wontlik ÿs / hir v(m)me don wÿ kuͮnt vnd(e) openbar allen luden disser jegenwerdige(n) vnd(e) ok toku(n)pstigen / tyden , dat wij von eyndrechtliker fulbort aller vnd(e) besunder(e)n vnses gantzen Capittels , / vnsen Borger(e)n to Borgh disse gnade vnd(e) fryheÿt hebben gegheue(n) vnd(e) geue(n) mit Crafft / disses briues wat en jowelk . dat sÿ Rydder edder frouwe . edder prester edder dener / dede in vnse Stad Borgh . bliüen edder wone(n) wil de sulue schal dar Borger werden / also . nemlik(e)n . dat he in der suluen Stadt sitten vnd(e) sik holden to allen rechticheyden der / gn(an)t(e)n Stad Borgh . welke rechticheide to duͦde Stadrecht genomet sindt vnde willen / ok nemlk(e)n dat de vorbenomede Stadt Borgh vnd(e) Borger(e) dar sulues sik frouwen vnd(e) / gebruͦken schullen der selingen rechticheyden vnd(e) frÿheÿden . der sik de sulue(n) Borgere / von anbegynne de suluen Stadt wente heͤr to gebruͦket vnd(e) gefrouwet hebben , vor / de sulue(n) gnade vnd(e) friheÿt den gn(an)t(e)n Borger(e)n von vns ghegeue(n) , hebben vns de selingen / Borgere twe hundert mark Stendalsch suluer gegeue(n) to der wedderloͤsinge vnses / Slotes plothe To tuchnisse vnd(e) orekunde . vnse vns ¹ vnd(e) vnses Capittels ingesegille / an dissen briff sind gehangen Tuͦghe de hir an vnd(e) ouer sindt gewesen Rupertus von / mansuͮelt vnsir kerken kemerer Geuehardus von lindow , Borchardus de Schrapelow / Hinric(us) von gruͦneborgh Canonike vnsir kerken Richard droste , Heynevon Aluensleuͮe / Hermen von werderden Eyner genomet von waremestorp , he(n)nigk von bardeleue / Tyle masschalk , hans von louͮborgh Borghgreuͮe , heÿne von Rodensee vnse Rydder(e) / vnd(e) ok vele andere loffwerdigen Ghegeue(n) to Magd(eborch) Na (Christi) gebort . dusent / dryͤhuͮndert vnd(e) dar na jn dem irsten jare in der veffteynden kalenden des mane(n) Augusti /