Vjr otte von der gnade goddes Ertzebischop des hilghen gotteshuses to Magdebur be kennen vn(de) betughen vffeligen in disseme / ghegenwordigeme briue . Daz wir mit willen vn(de) mit volbort vnses Capitelles gemeyne haben gethedinget mit vnsen / liben truwen , den gerwern vn(de) mit de schoworchen , die wonhaft sin on vnser stat tzuͦ borch , daz wir en habin gegeben / eyne Jnnughe , die sollen si ewiclighe haben vn(de) ore wert sal n´man oͤben in vnser vorghenanten Stat her en habe die / Jnnughe gewunen , Vn(de) wer die Jnnughe ghewinne wil der sal gheben dri virdinghe b(ra)ndenburschis silbers , des geldes sal / vns vn(de) vnsen nakomelinghen eyn virding vn(de) den brudern die in der Jnnuge sin eyn halb mark Her sal ouch geben vir / stuke vleysches die sollen sin eyne halben virdinges vert , daz soln die Jnnughes bruͦdere vor tuͤ in orer kempenie . wer abir / in der Jnnughe is geborn . vn(de) wer dar inne geborn , wenne die Jnnughe ghevnnet , der sal ghebe eyn lot , da sal vns vn(de) / vnsen nakomelinghen der dritte phennig vone geuallen , vn(de) tzweyteil des Jnnughes brudern . Were ouch daz in der Jnnughe / iman icht valsches woͤrchte , da orme werke daz moghen sie richte vnder sich selben , alle willekore sal sin fuͤnf schillinghe , die / sal der gebe die daz valsch hat getan dar vmme daz vir en habin ghegebin die Jnnughe , alse da vor stet gescreben so habin sie vns / ghegebin driundetzwentzic mark b(ra)ndebursches silbers vn(de) tzuͦ eynem orku(n)de der Jnnughe , so sollin die Jnnuges bruͦdere vns vn(de) / vnsen nakomelinghen , ewiclighen alle iar geben vf sentte Mertins tag tzwey par Steiuͤle vn(de) tzweypar Schuͦ , vn(de) vf sente / walpurghe tag tzwey par Steiuͤle vn(de) tzweypar schuͦ . Tzuͤ eyme orku(n)de der vorscrebenen dinghe , daz die ewiclige stete vn(de) / vntzubrochen werden gehalden se habe wir dissen brif lazen besegelin mit vnseme ingesegele . Vn(de) wir heynrich von der gna/da goddis der Tumprobist vn(de) daz capitel gemeyne dez vorgenanten goddishuses tzuͤ eyme orku(n)de daz vorgenante ding sin / geschen mit vnseme willen vn(de) mit vnser volbort so habe wir ouch vnses capitels ingesegele an desse brif lazen gehanghen . / Disse brif is ghgheben ¹ tzuͤ Meyborg nach goddis gebort . Tusen jar Drihundert jar , in deme achte undedrizigesten Jare / in sente Gregorius taghe des heyligen babisses:² welk from knecht dede dy(n)ne(n) wil den schomack(er)en vn(de) den lo(n) gerw(er)en , de vor denet des su(n)dages na vnser lewe(n) / vrowen dage licht misse v³ g(ulden) tho d(er) morge(n) sp(ra)ke vn(de) des mandages ok v g(ulden)to morge(n) sp(ra)ke ok des / su(n)dages na su(n)te michils dage ok v g(ulden) to d(er) morge(n) sp(ra)ke / i(n) de(n) pingeste(n)