Den kloken vnde den houeschen mannen . den Ratmannen to Cer=/wist . enbiede wie . . Schepen der stad to Magdeburch . vnsen dienst=/haftighen willen in allen dinghen . Gi hebben vns ghescreuen / in juwen brieuen . an dissen worden . wie bidden ju vruͦntlike / dat gi vns berichten . oft man sulk gut . dat vor lifgut vorkoft / is . to rechte vorschoten scal . oder nicht . wente dat priesteren / vnde leẏen vorkoft is . Hir vp spreke wie vor eẏn recht . Pries=/tere en scolen . von rechtes weghene neẏn lifgut vorschoten . / dat sie von deme rathuse ghekoft hebben . sunder leẏen . die ju=/we borghere sin . die scolen ore lifgut vorschoten . also lief alse sie / it hebben . Dat dit recht si . dat betughe wie mit vnseme jnghe=/seghele . dat wie to ruͦcghe hebben gheklieuet laten an dissen brief . Den wie ghegheuen hebben na goddes ghebort dusent jar . drie=/hundert jar . an deme neghene vnde drittighesten iare . des neisten / dinsdaghes na deme sondaghe . also man singhet . Jnuocauit /