Wie Otto von der gnade Goddes Ercebiscop des Hilgen Goddeshuses to Magdeburch bekenne(n) vn(de) betugen open / berliken in diseme ieghenwardigen brieue . dat wie hebben los ghelaten mit gudem willen den Rad der stad to Bruns=/wik . viehundert marke lodighes silueres die se vns von der seluen stad weghene hadden ghelouet in irme opene / brieue to beredene anderhalfhundert marke vp die nesten winachten vn(de) driddehalfhundert marke vp die nes/ten Paschen . vn(de) quiten se des seluen gheldes mit disme vnderschede . of die vorbenomde Rad mit orer stad in/gheseghel von Brunswik beseghelt die brieue . vnsen borgheren von Magdeburch . den wie hebben bewiste / die summen des vorbenomden gheldes . vn(de) wenne die brieue werdet gheantwerdet deme Rade vnser / stad to magdeburch . so scal die vorbenomde Rad to Brunswik des vorghenomden gheldes von vns vn(de) von / den . den set to vnser hant ghelouet hebben ledich vn(de) los sin . To eneme orkvnde disser dinghe stede vn(de) / vast to haldene so henghe wie vnse jngheseghel an dissen brief . Die ghe gheue(n) is na Goddes bord / Dusent jar drehundert jar in deme seuen vn(de) viertegisten iare in sente Katherinen daghe der / Hilghen iungvrouwen /