Wje . . Ratmanne . . vnde dere Jnunghe . Mestere . . vnde . die burghere . gemeyne Der Stad tho . Magdeburch , bekennen ope/liken an disseme jeghenw(er)dighen breue allen den . die on seen . oder . horen Dat wie vns vndersproken hebben mit vnsen vrun/den . . den burgheren von helmestede , vmme eyne were vnde hulpe , vnde sint mit one ouer . eyn ghekomen an disser wise , were dat / jemant sie vor vnrechten . wolde oder . vor . vnrechtede , hie were wie hie were , wanne sie vns dat vore kundigheden , Deme en/scolde wie mit jenegherleye vordernisse nicht behuͦlpen wesen . , vnde scolden recht vor sie beden , vnde moghe wie binnen achte / daghen one neynes rechtes helpen , so scole wie deme enzeeghen , vnde . scolen . on . behulpen wesen . alse hir na steit bescreuen also / langhe . we(n)tet on . werde weder . dan , Tho deme ersten . male . swe(n)ne sie dat von vns eischen , ver daghe vore so . scole . wie on sen/den twelf man . mit gleuien vnde dre stucken , vnde scolen . sek . erheuen in deme verden daghe . dar na alse sie ghe eschiet . / sin vnde volghen , vnde we(n)ne , die vofteyn . man to on . komen . so scolen . sie on . gheuen . kost . voder vnde . hofslach . anderes en scolen / sie one neyne pantquitingh don , vnde wie scolen . on . den . solt . gheuen . , vnde nemen die vofteyn . man . vromen . oder scaden , / vppe deme weghe . vt vnde in . den . scolden sie vnde wie an beydent . syden . glike draghen . vnde nemen , Sunder wanne die . / siluen . vofteyn man . komen . by die von helmestede . oder . ore denere swur dat sy , nemen . sie dar scaden , den scole wie siluen / draghen , Nemen sie auer dar vrome(n) . by . on . , dar . scole wie vnse mantal . afnemen . , Sunder nemen sie vromen an venamen / des scolen sie nemen . to der koͤken . swat sie des . behouen . , swat dar bouen were , dat . scolden sie vn(de) wie an beydent syden / na . mantale delen , Vnde die . vofteyn . man . scolen . sie by sek behalden , ver weken , oft . sie orer bedoruen , bedoruen sie auer orer / lengher dat en scal nicht wesen . et . en . schy mit vnseme willen , vortmer . were . dat . sie . mer . volkes bedorften so . scolde wie / on . senden . to den . benomeden . vofteyn . mannen , also vele . dat . sie hedden viue vn(de) . vertich . man , der scolden wesen . ses . vnde / drittich man mit gleuien , vnde . neghen stucken , Vnde die scolden . sek erheuen , in deme achtende daghe . alse sie ghe eschiet / werden , vnde nemen sie scaden , oder vromen , dat scal wesen , in der wise alse . von . den . vofteyn . mannen hir vore steit be/screuen , vnde sie scolen . on . gheuen , kost , voder , vnde hofslach , anderes . en . scolen . sie one neyne pantquitingh don , vnde / wie scolen on den solt gheuen , vnde sie scolen . by . on . bliuen . eft . sie orer bedoruen alse von . den . vofteyn . manne(n) vore steit be . / screuen , Echt vortmer . were , dat vnse herre von . Magd(eburch) vorvnrechtede die burghere . von . helmestede , so scolde wie vnsen . / herre(n) von Magd(eburch) bidden vn(de) berichten . dar na binnen vierteyn nachten , dat hie von deme vnrechte lete , wolde hie . auer dorch . / vnser bede willen , dar nicht . auelaten so en scolde . wie ome , mit jenegherleye vordernisse . to deme vnrechte . nicht behulpen we/sen , Echt . were . dat . die . burghere . von . helmestede . v(m)me disse . vorrede weghene alse . die steit na . dissen dren jaren . jemant / bestaden , oder anw(er)dighen . wolde , dorch . hulpe willen . die . sie . vns ghedan . hebben , dat . scolde . wie Truweliken helpen we/ren glikerwis alse . die vorrede noch stunde , Vortmer . were . dat jemant . voruestet . oder vorvemet . worde . jn der vorbe/nomeden . stad . to helmestede . vmme . , Rof , Mortbrand , Duͤue , verretnisse , oder des glik , Die scal . mit vns in vnser / stad . vorvestet . vnde vor vemet wesen . gheliker wis . alse to helmestede , swanne sie vns dat en beden jn oreme breue , vnde . / were . dat wie one bekenten . so scolde . wie one hinderen laten , wente . an . die von helmestede jn vnser stad , Ok so sy / wie to rade worden mit den von Gosler , brunswik , vn(de) von helmestede , vnde mit den von halb(e)r(stad) , Queddelingb(ur)ch vnde vo(n) / aschersleue , dat wie . scolen . kesen . vnder eyn ander ver man , Die scolen . dar to ryden . swenne es not is , vnde sek dar / to vorboden . vnder . eyn . andere , vnde . scolen . des macht . hebben . to spreken , vmme der stede not , vnde vortsetten , were / ok dat twie stede maneden v(m)me volghe , so . scolden Die vier . man . ok . macht hebben . dat . sie hieten volghen dar . / et one bequeme duchte dar man . aller bilkest . erst . volghede , swur es allerbest not were , vnde die wile dat man / in eyner vo[l]ghe is , so en scal . man . neyne . andere . volghe eischen . von jenegher disser benomeden , stede , vnde der ver / man scal . eyn wesen von . Magdeburch , vnde eyn . von . Gosler . , vnde eyn . von brunswik , vn(de) helmestede , vnde eyn von . / halb(e)r(stad) Queddelinb(ur)ch vnde von . aschersleue , vt der dryer . stede . eyn . , Disse vorrede . vnde dedinghe scolen . stan . twischen / der dicken vorbenomeden . stad tho helmestede vnde vnser stad . von . disseme daghe an . , wante to sinthe Mychahelis daghe . / vnde scal waren von deme siluen sinthe Mychahelis daghe . dre jar . vmme neyst dar na . gande , stede vnde gantz . alse hir . / bouen . steit . bescreuen . , Vp . eyn . orkunde disser dingh . so hebbe wie on . dissen . bref . ghe gheue(n) beuestenet . vnde beseghelet . / mit vnser stad anhangheden jngheseghele , Na . goddes . ghebort . dusent . jar . drehundert . jar . jndeme eyne(n) . vnde voftighes/ten . jare jn . senthe johannis . daghe . baptisten tho midden sommer . alse hie gheboren . wart . /