Wje ratmanne vnde dere Jnninghe Mestere der stad to Magd(eburg) , bekenne(n) . an . disse/me opene(n) brieue , allen den die on sehen , oder horen , dat die houische man . / bernhardus von alsleue , knecht , . heft vor vns ghewesen , vnde . heft . vor vns be/kant , dat die kloke man . her bernhard beyenwlet , . eme betalet heft , vor vif . / hundert mark stendalsches silui(re)s , von des . luchtighen vorsten . weghene , herto/ghen albrechtes , von Meklenburch , alse , vor . dat . hus , stad , vnde land , . / to . lenczen , also dat hie den silue(n) hern , bernharde beyenwlet , vor vns v(m)me / de betalinghe der silue(n) vifhundert mark , heft ledighet . vnde los ghelaten , . / Dat betughe wie an . , disseme opene(n) brieue , . den wie ghegheuen hebb(e)n . / be seghelt mit vnseme heymeliken . jngheseghel . dat wie an dissen brief , . / hebbe(n) ghedrucket laten , Den wie ghegheue(n) hebbe(n) to eyner betuchnisse . / disser . dingh , Na goddes ghebord Dusent . jar , drehundert jar jn deme , / ver vnde vvftighesten jare jn sente galli auende , /