Jn godes name(n) amen Wie her jan canonik to stendal Thiderik eyn knape bruͦdere / gheheyte(n) . von santhersleue vnde Sophia er suͦstere bekenne(n) openbarlike(n) vor alle(n) luͦde(n) / die desse(n) brif sen vnde hore(n) dat wie recht vn(de) redelike(n) verkope(n) vn(de) hebbe(n) ver koft / deme wise(n) ma(n)ne hanse kopeke(n) borghere to Magdeborch vn(de) sine(n) rechte(n) erue(n) ene mark / B(ra)ndeborg(ers) silueres . vt deme gude vn(de) dorpe to latzeke dar wie i(n)ne hebbe(n) alle iar dridde / half punt Brandeborg(er) pe(n)nighe vier scepel hauere(n) vn(de) dritteyn honre dat vns tu dye/pet alle iar to sente galle(n) daghe roulike(n) vp to neme(n)de vn(de) to bore(n)de vor achte mark / stendalg(ers) silu(er)es . also dat wie vt disme vorsprokene gude nicht nem(n) eder bore(n) sculle(n) / hie ne hebbe die mark irst vpghenome(n) wan eme ouer disse vorsprokene mark is bereet / so sculle wie ane hinder vp neme(n) vn(de) bore(n) alle dat dar ouer stellich is vn(de) valt mit disme / vnsersceyde dat disse vorsproke(n) hans dorch sunderke vru(n)tscap vs wil guͦ(n)nen enes wedder / kopes to dren iare(n) . were dat wie eme dit vorsproke(n)ne ghelt muͦchte(n) wedder gheue(n) dat / scolde wie enre eyn verndel iares to vore(n) seggen . Wolde hie ok sin ghelt wedder hebbe(n) / wan disse dri iar vmme kome(n) dat scal hie ok vns eyn verndel iares to vore(n) segghen dat / sculle wie eme wedder gheue(n) vn(de) bereyde(n) vppe die daghe alse hie sin gelt vt gaf dat / was to pingesten . Auer bistede eme disses vorsprokene(n) gudes so sculde wie eme dar wie / dar i(n)ne beholde(n) boue(n) sine mark geldes ver kope(n) vmme redelike pe(n)nighe alse vser / beyder vru(n)den dochte redelik syn . To eyner vestnitze disses copes vn(de) dedinghe so se(n)de / wie vp dit vorsproke(n)ne gut to truwer hant disme vorsproke(n)ne Hanse vn(de) syne(n) rechte(n) / eruen by de(n) erbare(n) knapen Hinr(ik) von Rossowe . Hinr(ik) von Ronstede vn(de) Erike melke / vn(de) hebbe(n) dissen brief geueste(n)t mit vsen ingeseghele(n) na goddes bort dusent iar dre / hundert iar in deme twe vn(de) sestegheste(n) iare in deme heylige(n) daghe to pingesten Tughe / disser dingh sint die erbare(n) lude Heyneke sadenbeke . Erik melk heyneke spelhouel / vdo vn(de) gherbrech foytelblume . vn(de) ander erbare Lude /