Wir Heinrich Stammere und Hannes von Peyne bekennen vor uns und unser erben offenlich mit dissem brieve : wanne der erwirdige vater in Gote und herre her Dietrich erczebisschof des heiligen goͤtshus zu Meidburg , unser lieber gnediger herre , mit willen und voͤlborde siens capittels gemeyne uns beyden mit eynander und unsern rechten erben gelegen haͤt mit samender hant alle dis gut verlegen und unverlegen , das ich obgenanter Heinrik Stammere von ym und sinem gotshuͤs zuͤ lehene habe , nach deme das von uns beydersiit mit guͤten willen nach raͤte unser frunde mit alle unserm guͤte in siner yegenwordicheit gentzlich zusampde getan und gesatzt haben , darumb so sullen und wollen wir beyde und unser erven nach uns , ab wir nicht en weren , unserm obgenanten herren , sinem capitel und gotshuse und sinen nachkomen , erzebischofen zu Meidburg , trewlichen zu dinste sittzen und wesen und behulffen syn zu allen iren noten mit alle deme , das wir vermogen , sunderlichen und mit namen mit dem huse zu Stekelnberge , diewile wir das leben , und unser erben nach uns ane allerley argelist uff allirmenlichn , nymandes uͤzgenomen , ane alleyne den bisschoff von Halberstad

{unvollst.}

Geben zu Meidburg , nach Crists geburd drizenhundert in dem vierundsechzigesten iare , an send Valentinustage des heiligen merteleren.