Jk albrecht dene(n) Buͦrge(n) tuͦ megedebuͦrch Beke(n)ne openbare in diss(e)m iegenw(er)digen breue dat / ek af ge coft hebbe dem erwerdigen heren . Biscop Tiderike van der gnade goddes Ertzebiscope / des heyligen goddeshuses tuͦ megedebuͦrch Teyn m(a)rk geldes Brande(n)bur(gers) silue(re)s van den viͤrtich / m(a)rken de de Jrgenante here heft tuͦ voren ut(vanghen) ut der Stat tuͦ Calue vor hundert m(a)rk Brande/burges silue(re)s Mit deme vnderschede dat de erbare here vorgenant eder sin Nachkomeling vnd(e) / dat Cappittel des heyligen goddeshuses tuͦ megedebuͦrch mogen weder Copen de teyͦn m(a)rk vorscre/ue(n) vor hundert m(a)rk Brand(eburgers) silue(re)s albrechte dene(n) af eder sine(n) erue(n) vnde deme medevor=/breuet sin vnde wa(n)ne sie de hundert m(a)rk geue(n) na vtwisinge der Breue dar se mede vorbre/uet sin so scal ek albrecht dene(n) eder mine rechte(n) erue(n) vnde we dar mede vorbreuet is de bre=/ue weder antwerden willicliken . ane allerleyge argelist den Bvrge(re)n tuͦ Calue ane wederspr(a)/ke vnde hebbe tuͦ Orkunde diss(e)n bref geue(n) van . myner wegene vnde myner erue(n) vnde / der de dar mede vorbreuet sin den Bvrge(re)n tuͦ Calue Besegelet mit myne anehangene(n) / des we alle Bruken Na goddes buͦrt dritteynhundert Jar indeme Syeuentigensten Jare / Jn sente viti daghe [...ano desti ... ] mit minen Jngesele /