Wie . Ratman vn(de) Jnny(n)ghe mestere . d(er) stat to magd(e)borch be kenne(n) . allen luden Dat vnse na ghescreuene(n) / boͮrge(re) vor vns hebben vp den heylige(n) be halten Dat . sie [horen ] Jn heyne(n) schepe fedelandes von sehusen / dat . die Ere(n)luchtige hertoge vo(n) mekelenborch to boytze(n)borch vp ge halden heft . hebbe(n) so dan gut alse / mit dyssen na ge screuene(n) . merken be tekent js . Alse . eyn . tu(n)ne de hoͮrt hanse vo(n) deme kelre / die js ge tekent alsus Hans by der brucghe des seluen Hanses knecht . tuey . vat vn(de) tuey tu(n)ne(n) / ge tekent alsus . Ech . herm(an) koni(n)gh ses pipe(n) oleys vn(de) dre vat ghe merket alsus / Echt pawel . vn(de) michel . roden tuo . pipe(n) oleys vn(de) tuey halue vat allvnes vnde vir / vn(de) virtich kopel . vigen . mit . ge tekent . Echt herme(n) besen vir halue vat allvnes ghe / tekent . vn(de) eyne(n) kopel vigen vn(de) eyne tu(n)neke(n) . mit dem vor screuene(n) merke . echt koppe elebrecht / heft vir halue vat allvnes . vn(de) tuey . [m(ate)] mandelen vir pipe(n) oleẏs vn(de) sesteyn copel . vighen / ge merket alsus . dyt js dat vnse vorgenante(n) borg(er)e vor vns . vp dem boue(n)gescreuene(n) / schepe hedde(n) . de scolden ok ore recht . vor vns don . alse dysse dan hebbe(n) Des to orku(n)t hebbe / wie vnser stad Secret an dyssen bref ge drucket . Na goddes geboͮrt dusint jar . dre hu(n)dirt / jar . jn deme eyn vn(de) seue(n)tigeste jare des dynsdages . na sinte thomes dage des heyl(igen) . apostolen /