Prudentib(us) . viris . cons(ules) / ciuitatis Stendal a(m)icis n(ost)ris . /

Vnse dienst . williche . tuͦ vorn. Lieue(n) vru(n)de wie begeren gik witlik sẏn . Dat vor vns / is gewesen Ebeli(n)gh van Borne vns(ir) medeburg(er) . vnd hefft vns geopenbar(et) . dat gi / h(er)ma(n)no Crem(er)e . ok vns(ire)m bescreue(n) burg(ere) . wiser disses breffes . gudin willen . vnde . / vord(er)nisse: bewiset hebb(e)n . v(m)me syne sculde . Dar h(er)man Le(m)meken vere(n) gutd vore / besat hefft . Des dancke wie gik mit gantzem fflite . . vnd Ebeli(n)g hefft nv vort=/mer . vor vns vulle macht gegeue(n) . dissem sulue(n) h(er)ma(n)ne . Dat he die irgen(an)ten / sculde . va(n) Le(m)meken . ir mane . vnd(e) vp neme . vnd(e) eme los late van syner wege(n) / wa(n)ne he sẏne(n) will(e)n . v(m)me die sculde gemaket hefft . vnd(e) . wat h(er)man . dar ane / deit . Dat wel Ebeli(n)g stede haldin . Des tu orkvnde . sende wie gik dissen / breff besegelt na vns(ir) he(re)n cristi geboͧrt dretteẏn hvnd(er)t Jar in deme dre vnde=/seue(n)tigesten Jare des ersten vridages in d(er) vasten . /

Ratma(n)ne vnd Jnni(n)ghe=/mestere tuͦ magdebuͦrch