Den Erbar(e)n wisen luden deme Radismeiste(re) vnd(e) den Ratmanne(n) der Stad toͮ Cerwist . Wi(e) / Ratmann(e) vnd(e) Jnni(n)gismeiste(re) der Stad toͮ magd(eburg) fruntliken grud mid vseme dinste berede / toͮ allen tiden . lyuen sunderliken frunde vns hebben angericht Coͮne quotz . vnd(e) hans wolff / woͮndarsten vnse Borge(re) dat gi si(e) goͮtlike anericht hebben vnd(e) wol toͮ danke ores arbeid(es) / gelouet den sie in Juwe dinste gedan hadden . an horneborge deme cleynsmede . ass(e)men sprick / dẏ in juw(er) sampnu(n)ghe vorlemet ward Soͮ dat one wol genuͦghe danke juw(er) houes=/heit toͮ allen tid . vortm(er) hebben sie gelouet vor vseme rade dat si(e) noch ore erffn(amen) noch / nymand von or(er) weg(e)n werlike od(er) geistlike von juw(er) stad . od(er) von juw(er) Borge(n) nenem(e) / ratmann(e) od(er) entlen luden jenich lon . od(er) koste vord(er)n scull(e)n von diss(en) ergn(an)t(e)n saken / weg(e)n vn(de) gik secgh(e)n des ledich vnd(e) loz . des toͮ getuchnisse hebbe wi(e) vns(er) stad jngesegel / dat in dat secret(um) hed vtewendich gedrucket vp dissen Briff Na der gebord vns(es) / heren (christi) dritteynhund(er)t iar in deme neg(e)n vn(de) achtigist(e)n iar des sonauend vor palm(arum) /