Wir Albrecht von Gotis gnaden und des stoles in Hörne ercsebisschoff des heyligen gotishuses zu Magdeburg bekennen offinbar in dissem brive, daz wir von unsers liben getruwen Hanses von Schirstete sunderliche bete wegen haben gelegin und lihen mit craff't disses brives dem gestrengen unserm liben getruwen ern Hanse von Peyne und Alheide siner tochter zcu rechtem lehene den hoff zcu Kocstete mit allir zcubehorunge, friheid und rechte, als der von uns und unsem gotishuse zcu lehene geet und als der vorgnante Hans von Schirstede den vor uns uffgelassen hat, und wollen des also ire. gewere sin, wen yn des not ist, mit orkunde disses brives, uff den wir unsir ingesegil habin zcurugghe lassen drucken. Gebin zu Magdeburg, anno Domini mº.cccº.lxxxxij, feria sexta post Michaelis.