We de Raͤd vnde Jnni(n)gesmestere der stad Magdeborch Bekennen openbare jn dussem breue vor vns vnde vnse nakomelinghe , dat we hebben / ghebeden de Ersamen manne den Rad vnde de borghere to Brunswig vnse leuen vrundes , dat se vm(m)e vnsen willen vẏende worden sin / des Eddelen hern Berndes vorsten to Anehalt vnde der anderen van Anehald de sek van hern Berndes weghene vorghenomet / in sẏne sampden gudere theen moghen ore hulpere manne vnde vndersaten der vẏende we sẏn dar vm(m)e dat se vns vnde vnsem / Copmanne dat ore ghenomen laten hebben vppe des hiligen rikes straten vnde vns vnde se bescheẏdeget mẏt Roue vnde man(n)[...]lere / wys bouen recht vnde alse we des vor on vmbesorghet weren dar vns de sulue(n) Rad vnde borghere to Brunswig ane ghetwidet (?) / hebben vnde synd vm(m)e vnsen willen mẏt vns der vorghenante(n) vyende gheworden na vnser begheringhe vppe vnse vnde vnser stad / koste vromen schaden vnde auentur[e] hijrum(m)e vorplichte we vnde vnse nakomelinghe vnde vorwillekoren vns wen de vorghe/schreue(ne) Raad , Edder borgere , Edder ore denern de ore Edder ore hulpere vth orer stad rijden , wanderen , Edder theen in vnse hulpe / to komende to perde to waghene Edder anders dat we one denne vor schaden koste vnde auenture stan willen vth vnde wedder / to hus also vakene alse se vm(m)e vnsen willen vth komende werden , weret ok dat desse vorgenanten vnse vnde ore vẏende Edder / anders we sek dẏt annemen vnde den vorghenante(n) Rade Edder borgheren to brunswig Edder den oren dẏt vorwẏten Edder one van / der weghene , veyde vorwaringhe Edder ande(re)n schaden to keren wolden de wyle desse krich warede Edder dar na wen desse krig / gherichtet were heymeliken Edder openbare tẏghen de wille we one truweliken behulpen wesen vnde dar mẏt one bẏ ena(n)der bliuen den / wedder to stande vppe vnse eghen(e) koste vn(de) auenture , weret ok dat god vns vnde se saleghede dar we to sam(m)ene to velde weren / Edder dar se allene weren vppe vnse koste vnde auenture also dat we edder se vromen nemen an Steden , Sloten vesten vanghene(n) / koẏg schap swyne name(n) de vrome scholde vnse allene wesen wat vrome(n) auer ghenomen worde an reysegherhaue pucherie (?) vnde / anderem vordeyle na houwerckes wonheẏt dat scholdeme deẏlen vn(de) holde(n) na mantale wapende lude vnde p(er)sonen vordeẏle alse des hijr to / lande de wonheẏt js dat desse vorgeschreue(ne) artikele va(n) vns vn(de) vnse(n) nakomelinge(n) stede vn(de) vast geholde(n) werden , des to orkunde js vnser / stad jngesegil hengit an dussen breff Na Cristi bord veerteynhundert jar vnde dar na jn deme Seesvndetwintigesten jare jn / sancti Odalrici auende des hiligen [...]