Jk thetzel kracht Bekenne opinba(r)e vor alsweme jn craft disses breues dat de / ersame(n) heren de Rad der olden stad to magdeburk min leue(n) here v[nd] / gud(e)n ffrunde ffruntliken gededinget hebb(e)n am sondage [a]lsme singet , jn / der hilgen [kerken]¹ dat officiu(m) Quasi mo(do) geniti binnen sch[...]ngh twisschen / dem Erwerdig(e)n jn god vade(re) vnd(e) heren heren Johan(n) bisscop tho / halb(er)stad den Ersame(n) reden der stede Goseler Brunswik vnde / hildens(h)em vnd(e) oren borgere(n) vnd(e) dem Bestieng(e)n (?)² knap(e)n Ludolue von / marnholte vnd(e) mik thetzel vorgescreue(n) vm(m)e sodamm(er) schicht de an mik / geschin ist vnde gedan het ludolff von marnholte mid sine(n) knechten / vnd(e) hulperen jn der tijd alze he ein Amp(t)man was der van brunswik / alse se mik min(e) haue vnd(e) perd(e) aff wun(n)en vm(m)e sulke(r) schicht willen / schal ik vnd(e) wil noch neme(n)t van amp(t)e weg(e)n den Erwerdig(e)n [heren] / heren johann(e) Bisscop to halb(er)stad de Ersame(n) Rede der stede Gos[ler] / Brunswik vnd(e) hildens(h)em vnd(e) ore gemeine(n) borge(re) vnd(e) de ore de on tho / gedan sin vnd(e) Ludolue von marnholte vnd(e) de sine[n] nicht an dedingen / vn(de) ik wil dat jn aler wise holden alse dat gededinget vnd(e) be recesset / is an alle list vnd(e) geuerde tho ein(er) opinbaren orkunde jst disse / breff besegelt mid Hans von Schirsted(es) jnges(egele) dat gedrucket ist / neden vp dat spaciu(m) disses breue[s] Na der bord Jhesu (cristi) xiiiic / jar dar na jn dem xxviii jar jn sinte martij dage des werdig(e)n / ewangelisten des ik hir to bruke wen ik nein eig(e)n jng(esegele) enhebbe / in disser tijd /