Vor allen luden dye disen breff zeen horen addir lezin bekenne Jk hans Cok Tideken Cokes sone dede Jchteswan Jn der Stad to parchem / wonafftich is ghewesin dat Sodane regheuerdicheit Schal vnde rechticheit also Jk to der ergenant(en) Stad to parchem dem rade burghe(re)n / vnde Jnwone(re)n dar Sulues von mẏnes vederliken erues wegin Tideken Cokes selig(er) hebbe ghehad wand an disse tijd Offte hebben müchte / jn welkerleẏe wij s addir wur von de sulue Schel ghewesin sie vnde twisschen vns beyden parten sik dar von ghemaket hefft js nü / Genslik bericht vnde byghelecht alse dar jk vnde mẏne erue(n) noch nemend von vnsir wegin De Stad to parchem den rad burgeren vnd / jnwone(re)n dar sulues addir nemande von Erend wegin Sẏe vorder mer to Neẏne(n) tijden dar v(m)me Andedingen Schüllen Dar vor tho / berichtinge vnde guder voringinge mik dẏe Ersame Clawes wẏs burgirmeist(er) der alden Stad magdeburg von des obenbenomeden rades / burge(re)n vnde jnwone(re)n der Stad tp parchen wegin gegeüe(n) vnde to danke wol betalet hefft vẏertich scok alder ghemeẏner crütz gross(e)n / vnde hefft mik von erend weghin gheantward orer Stad vorsegelde gheleẏdes breff dar jnne sie sik ok vorschreuen vnde afftich alles / Scheles tosakinge vnde rechticheit ghedan hebben also sie to mik hadden offt(e) hebben muchten vnde Sowes Scholes vorschreüe(n) von vnsir / twiger parte wegin also dẏe twisschen vns ghewesin is wend an desse tijd also datu(m) desses b(re)ues jnne hold Js Also eẏne berichtede / ghefredede vnde sande sake An alle gheferde vnde je(n)nigherleie weddirsprake Dar bẏ vnde oüer Sind ghewesin Dẏe Ersamen vnd(e) wijse(n) / lüde also na schreüe(n) Clauwes voys burghirmeister der alden Stad magdeburg Cone Rode heẏne we(n)nemer vnde bru(no) wantsleue Rades / Cu(m)pane hans harkstro vnde hans moringh burghir der gn(an)ten Stad Clauwes panchow vnde gregorius hoghe Radma(n)n von der Stad wegin / to parchem vnde thomerer bekantnisse So hebben wije Cone Rode vnde hans moringh vorbenomet Also dedigeslüde der vorschreüe(n) be=/richte(n) eẏgin Jngesegil an dessem breüe ghebrüke wend jk sulues neẏn Jnges(segil) enhebbe Gegheue(n) nach der bort (christi) vnses he(re)n xiiij jar dar / na jn dem viffvndeferticheste(n) ja(r)e an dem Sondaghe vor sunte peder vnde pauwels daghe der hochgeloüeden hilghen [...] /