Willige dinste mit flitigem(e) gebede Erbarn liuen h(e)ren vnd(e) vorderer . To der tijd , als / myne h(e)ren Juwes rades kemerer na wynachten to Magdeb(ur)g . weren , vnd(e) vaste velen / luͦden oͤre re(n)the geuen . vnd(e) ik sy ok v(m)me myne bedagede re(n)the . als . j . fyne mark vnd(e) / eyne(n) virding . vnd(e) sesteyn rinsche guͦld(e)n bidden liet to reyken(e) . do wart my entbo=/den dat sy , vor oͤren afescheiden by my wesen wolden (etc.) des ik doch also nicht v(er)nam / So hebbe ik jwer erbarcheit sedder geschreuen v(m)me dat siluer to geuen h(er)n Nicolaus / schoͤybel werhaftige(n) up dem siekhofe (etc.) dar von bidde ik noch . we(re)t dat oͤm dat nicht / betalet we(re) . dat gy dat noch wolden ane voͤrder toͤgeri(n)ge laten richtich maken . wenn / he dat moch vor my uthgeuen dar ik dat by node to Czerw(est) schuͦldich bin . Sunder / v(m)me dat gold vinde gy by dissem jegenwoͤrdigen hermann vaͤch eyne quita(n)t(ie) . Also . / bidde ik dat gy oͤm sesteyn gulden in rynschen golde wolden van myn(er) wegen raͤk(e)n / vnde betalen laten , vnd(e) bestellen dat my dar nicht w(er)de ingeholden . vnd(e) ok nicht / voͤrder werde getoͤgert , dar is my wes macht an belegen . vnde will des g(er)ne v(er)dinen / vnde my dar to vorlaten . ou(er)woget dar by . dat ik nicht vele boden hebbe to senden / vnd(e) my ok vaste swerliken wolde wesen . Seg(elt) to Magdeb(ur)g Anno (etc.) xlvj am Sondage / dorothee /

Bartholomeus louwe / der Juwe : . /