Minen wẏlligen fruntliken dinst mit steden flite vnd(e) wes jk gudes vor mach Ersame(n) / leuen heren vnd(e) besunde(re) ghuden frunde juwe andach vnd(e) leue hebbe jk wol vor nome(n) / alse gij mẏk ghe screue(n) hebben Vnd(e) jk was mit jurgen lytzow bẏ her bartolome(us) / lowe(n) vnd(e) by der clawes scultẏ(n)ne(n) . vnd(e) we kunden dat mit der claw(es) scultyn(n)e(n) nicht neger / dedincge(n) wan op xij scok g(ulden) vor de x rẏnsche gulde(n) der bedaget were(n) vnd(e) her / bartolome(us) lowe de wolde nicht my(nner) hebbe(n) wan xix schok g(ulden) alse jk gijk wol eir ghe / screue(n) hebbe Vnde erwerdighern leue(n) here(n) jk rade gijk dat gij her bartolomeus / lowe(n) to frunde holden vnd(e) nicht vor torne(n) V(m)me sake wẏllen de gijk jurge(n) lytzow wol / vnder richte(n) wert alse he ome vnd(e) mẏk vor talde Vorder so scal juwe leue weten / dat jk jn sende veirteẏndehalff schok older g(ulden) by jurgen lẏtzow sunder dar sint / ma(n)gen ge reke(n)t de valschen nyen g(ulden) de in de(n) doke bunden sint de mẏk hermen / juwe kok brachte des erste(n) sondag(es) in der fasten de her bartolome(us) nicht hebben wolde / vnd(e) jk sede dat do ok herme(n) koke alse he mẏk de nẏen g(ulden) talde dat dar valsche / ma(n)gen we(re)n (etc.) in dem gelike(n) so sint ma(n)ge(n) den olden ok valsche de mẏk de olden / kemere mede hen talden (etc.) Vnde nuͮ hebbe jk ney(n) geld noch ander leye wa(r)e / de deme rade van czerwest to hore(n) mach to disser tijd (etc.) Ok so ben jk ge beden / weret dat de rad van czerwest wolde lẏffgeld vor kope(n) dat wolde ik ¹ gherne schẏcke(n) / alse g² jurge(n) juwe leue wol vnd(er) richte(n) wert , (etc.) Vnde wes jk deme rade vnde den / borgere(n) van czerwest kan to wyllen vnd(e) to denste wesen dat wẏl jk alle wege mit allen flyte gerne donghe screue(n) vnd(er) myne(n) signet(um) des dunredag(es) na oculi a(n)no (etc.) / xlsexto /

Neẏse Stoneman burgir / to magd(eburg) /