Vnsen frundliken dinst thuuor(en) Ersamen besunde(re)n liuen frunde / alse gij vns von itliker dedinge wegen so twisschen dem hochgebor(e)n / forsten Graue Jurgen Juwe(n) vnd vnse(n) gnedigen he(re)n vnd dem / Ersamen Arnd Jordens vnse(n) Borg(er)meiste(re) geschin vnd vorhan=/delt sin vnd vns vorder von der wegen eynen dach vp[...]orne / toligke toholden(e) vorvekent hebb(e)n alse dat juwe briff mit / mer vnd ande(re)n worden jnholt (etc.) liuen frundis wu wol / wij juk darane g(er)ne towillen gewest vnd dem also gedan / wolden hebben also heft doch de g(e)n(ann)te Graue Jurgen dem / obg(e)n(ann)ten Arnd Jordens vnse borg(er)meist(er) geschreu(en) alse gij / vte dissem jnuorsloten brife wol v(er)nemen willen wes / wij juk towillen vnd dinste sin mogen des sin wu willich / vnd dem g(er)ne Geschreu(en) am Sondage vocem Jocundi(tatis) / vnder vnser Stad Secret(um) Anno d(omi)ni (etc.) xlviiio /

Radmann(e) vnd Jnnigesmeste(re) / der alden stad magdeborch /