Vnsen fruntliken dinst touorn Ersamen besunder(e)n liuen frunde wÿ don Juk / witlick dat wȳ vns mit dem Erwerdigest(e)n Jngot vader vnd h(er)n Hern / fridericke Ertzbisschop to Magdeborch vns(e)n gnedigen liuen h(er)n sẏnen / Capittele vnd Reden vnde mannen vordingen hebben datmen ¹ vp / vnses g(enan)nten h(er)n Redelike Tolle vnd geleide vnser alden gewonheid / vnd gesette bÿnnen vnser Stad des jares twies frienmarcket holden / schulle vnd willen vnd dÿ irste friemarket schal anstan des virden / dages nach vnser liuen frouwen dage wortwigunge vnd warden / also drÿ dage nachenander folgende vnd dy ander tyd des ande(re)n / frien marcktes schal Jnstan des mandages nach dem Sondage / ana(ni)s d(omi)ni nemliken virteÿnnacht na paschen vnd warden wante / an den mitweken dar nach irstuolgende vnd den dach al vth vnd / vp vnd jn dissen vorgeschreuen merckten mach eÿn Jowelk vorke=/ringe mit kopenschopp hebb(e)n vnd don mit allerleẏe war(e) vnd / kopenschop ane fahr vnd to dissen vorgeschreuen merckten wil / vnse her(e) von Magdeborgh vorgenant sẏn Capittel sẏne Rede / vnd wÿ den kopman mit sÿnen gude(re)n beschutten vor dedingen / vnd beschermen des besten wÿ mogen Wur v(m)me bidden wÿ / mit flite gÿ wÿlt dÿt den juwen vorkundigen vnd witlick don / dat sÿ sÿk dar nach weten to richten dat vordÿne wÿ jn flÿte / to allen tÿden g(er)ne Geschreu(en) am mandage nach viti vnder / vnser Stad Secret Anno d(omi)ni (etc.) xlviiio /

Ratmann(e) vnd Jnnigismester(e) / der alden stad Magdeborgh /